මීට වසර 5 කට පමණ පෙර 2019 දී ශ්‍රී ලංකාවේ පවත්වන්නට යෙදුණ ඩාවුඩී බෝරා ප්‍රජාවගේ අධ්‍යාත්මික සමුළුව වන 'Ashara Mubaraka' (අශාර මුබාරක) මෙවර 2024 දීද ශ්‍රී ලංකාවේ පවත්වන්නට කටයුතු සූදානම් කර තිබියදී එය අවලංගු කර පකිස්තානයේ කරච්චි වෙත මාරු කළ බව වාර්තාවේ.
මෙම සමුළුව සඳහා ඉස්ලාම් ආගමේ ධනවත් පන්තියේ 21000 ක පමණ විශාල පිරිසක් ලංකාවට පැමිණීමට නියමිතව සිටි අතර ඒ තුළින් සංචාරක හෝටල් වලට විශාල ආදායමක් ඉපැයීමට අවස්ථාවක් පැවතිණි.
රටවල් කිහිපයකින් නරඹන්නන් ආකර්ශනය කර ගන්නා 'Ashara Mubaraka' අධ්‍යාත්මික සමුළුව ශ්‍රී ලංකාවේ සිට පකිස්ථානයේ කරච්චි වෙත ගෙන ගොස් ඇති අතර, අමුත්තන් ලෙස පැමිණීමට නියමිත අයගෙන් සමහරක් ඔවුන්ගේ සංචාරය දැනටමත් මෙරටට ඒමට සූදානම්ව හෝටල් වෙන්කිරීම් සිදුකර පසුව අවලංගු කිරීමට පොළඹවා ඇත.
මෙහි සිටින බෝරා ප්‍රජාව සජීවීව පැවැත්වීමෙන් උත්සවය සම සත්කාරකත්වය ලබා දීමට සූදානම්ව සිටි නමුත් කටයුතු සිද්ධවනුයේ වෙනස් ආකාරයටය.
මෙහි සමුළුව නොපැවැත්වූවද Dawoodi Bohra ප්‍රජාවේ අධ්‍යාත්මික නායක ශුද්ධෝත්තම ආචාර්ය Syedna Mufaddal Saifuddin විසින් පවත්වන ලද දේශනවල චන්ද්‍රිකා විකාශන කන්ඩායම් සහ අමුත්තන්ගෙන් සමහරක් මෙහි පැමිණෙනු ඇතැයි විශ්වාස කරයි.
හෝටල් හිමියන්ගේ සංගමයේ ප්‍රකාශකයෙකු පැවසුවේ උත්සවය මාරු කිරීම පිළිබඳව වාර්තා වූ විගසම සමහර වෙන් කිරීම් අවලංගු කර ඇති බවයි. කෙසේ වෙතත්, පාකිස්ථානයට යන විට වීසා ගැටළු ඇති විය හැකි අමුත්තන් ඇතුළු සමහර අමුත්තන්ට කොළඹට පැමිණිය හැකි බව සංගමය පැවසීය.
මෙම උත්සවය ජූලි 6 වැනිදා සිට දින 10ක් පකිස්තානයේ පැවැත්වීමට නියමිතය.
ශ්‍රී ලංකාව අවසන් වරට 2019 දී අශාර මුබාරකට සත්කාරකත්වය ලබා දුන්නේ පාස්කු ඉරිදා ප්‍රහාරයෙන් ඉක්බිතිව, ආරක්ෂිත ගමනාන්තයක් ලෙස රටේ ප්‍රතිරූපය ඉහළ නැංවීම සඳහා ය.
2019දී විශේෂයෙන් හුසේනි මස්ජිද් මධ්‍යස්ථානය ආසන්නයේ පිහිටි බම්බලපිටිය ප්‍රදේශයේ සියලුම හෝටල්, තටිටු නිවාස, යනාදී නවාතැන් බොහෝ ප්‍රමාණයක් වෙන්කළ අතර 21000 කට ආසන්න පිරිසක් ලංකාවට පැමිණ තිබුනි.
කොළඹ නගරයේ ඩාවුඩි බෝරා සාමාජිකයන් 2,500ක් පමණ පිරිසක් ජීවත් වන අතර, බෝරා ප්‍රජාවේ බොහෝ සාමාජිකයන් වෙළඳ සහ ව්‍යාපාර ක්ෂේත්‍රයේ නියුතු වූ ධනවත් පුද්ගලයෝ වෙති. එමෙන්ම, මෙරට තුළ බෝරා මස්ජිද් පල්ලි 4ක් තිබෙන අතර, කොළඹ පිහිටා ඇති. හුසෙයිනි මස්ජිද් පල්ලිය ඉන් විශාලතම එක ලෙස සැලකේ.
0 Comments