ශ්‍රී ලංකාව ඇතුළු සමහර රටවල් සඳහා නිදහස් කිරීම් ලබා දෙන සිය නව වීසා ක්‍රියාමාර්ග පසුගිය 01 වනදා සිට ක්‍රියාත්මක වන බවට මාධ්‍ය ප්‍රචාර පැවතියත් එය තවම ක්‍රියාත්මක නොවන අතර
ක්‍රියාත්මක වන දිනය ළඟදීම ප්‍රකාශයට පත් කරන බව ශ්‍රී ලංකාවේ තායිලන්ත තානාපති කාර්යාලය පවසයි.
“මේ මොහොතේ, අයදුම්කරුවන්ට තවමත් තානාපති කාර්යාලයේ තායි වීසා බලපත්‍රයක් සඳහා පෙර පරිදි ඉල්ලුම් කළ හැකිය. සාමාන්‍ය වීසා ක්‍රියාවලියේ කාලය වැඩ කරන දින දෙකකි (සඳුදා අයදුම් කර ප්‍රතිඵලය බදාදා ලබා ගන්න),” තානාපති කාර්යාලය පැවසීය.
නිවේදනයක් නිකුත් කරමින් තානාපති කාර්යාලය වැඩිදුරටත් කියා සිටියේ තායිලන්තය නව වීසා ක්‍රමවේද සකස් කරමින් සිටින අතර අවසන් නීතිමය ක්‍රියා පටිපාටි අවසන් වූ පසු නව පියවර ක්‍රියාත්මක වන දිනය ප්‍රකාශයට පත් කරන බවයි.
තායිලන්ත තානාපති කාර්යාලය ද එහි නව ක්‍රියාමාර්ගවල කොටසක් ලෙස, ගමනාන්ත තායිලන්ත වීසා (DTV), වීසා නිදහස් කිරීම (දින 60) සහ වීසා ඔන් ඇරයිවල් (VoA) යන වීසා වර්ග තුනක් පිරිනමනු ලබන බව අනාවරණය කර ඇත.
සංචාරක සහ කෙටි කාලීන ව්‍යාපාරික කටයුතු සඳහා දින 60කට නොවැඩි කාලයක් සඳහා ප්‍රකාශයට පත් කර ඇති තායිලන්තයට පැමිණීමට වීසා නිදහස් කර ඇති රටවල් අතර ශ්‍රී ලංකාව ද වේ.
නව වීසා ගැන තානාපති කාර්යාලය දක්වා ඇති සටහනක් පහතින්
0 Comments