සෞදි අරාබියේ මේ දිනවල අධික උෂ්ණත්වය හේතුවෙන් හජ් වන්දනාවට මැකා නුවරට ගිය ඉස්ලාම් බැතිමතුන් 577 දෙනකුට ජීවිත අහිමි වී ඇතැයි විදෙස් මාධ්‍ය වාර්තා කළේය. අධික උෂ්ණත්වය හේතුවෙන් රෝගී වූ තවත් බැතිමතුන් දෙදහසකට අධික පිරිසකට ප්‍රතිකාර ලබා දීමට සෞදි බලධාරීන් පියවර ගෙන ඇතැයි ද වාර්තා වේ.
එරට ජාතික කාලගුණ විද්‍යා මධ්‍යස්ථානයට අනුව මේ දිනවල මැකා නුවර උෂ්ණත්වය සෙල්සියස් අංශක 50 ඉක්මවා ඇති අතර, දැඩි උණුසුමක් පවතින දිවා කාලයේදී හිරු රැස්වලට ආවරණය වීමට කුඩයක් භාවිත කරන ලෙසත්, වැඩිපුර ජලය පානය කරන ලෙසත් සෞදි බලධාරින් බැතිමතුන්ට උපදෙස් දී ඇතැයි ද වාර්තා වේ. මෙවර හජ් වන්දනාව සඳහා ලක්ෂ 18ක ඉස්ලාම් බැතිමතුන් මැකා නුවරට පැමිණි බවත්, ඒ අතර විදේශීය බැතිමතුන් ලක්ෂ 16ක් සිටින බවත් සෞදි බලධාරීන් ප්‍රකාශ කර ඇතැයි වැඩිදුරටත් වාර්තා වේ.
0 Comments