ජූනි 2 වැනිදා මෙක්සිකෝවේ පැවති ජනාධිපතිවරණයෙන් පළමු වරට කාන්තා අපේක්ෂිකාවකට ජයග්‍රහණය කළ හැකි වාතාවරණයක් මතුව ඇතැයි විදෙස් මාධ්‍ය වාර්තා කරයි. ඉරිදා ඡන්ද ගණන් කිරීම ආරම්භ වූ පසු, ආරම්භක ප්‍රවණතා අනුව, පාලක මොරේනා පක්ෂයේ ක්ලෝඩියා ෂයින්බෝම් ඉදිරියෙන් සිටී.
ඇය 60% ඡන්ද ලබාගෙන ඇත. ජාතික ක්‍රියාකාරී පක්ෂයේ තවත් කාන්තාවක වන සෝචි ගල්වේස් දෙවන ස්ථානයේ පසුවෙයි. ඇය මේ වනවිට 28%ක ඡන්ද ප්‍රතිශතයක් ලබාගෙන ඇත.
මෙක්සිකෝවේ ජනාධිපති ධූරය සඳහා තරඟයක් පැවැත්වෙන්නේ කාන්තාවන් දෙදෙනෙකු අතරයි.
මෙක්සිකෝවේ ආණ්ඩුක්‍රම ව්‍යවස්ථාවේ රීතිවලට අනුව ජනාධිපති ඔබ්‍රඩෝර්ට තවත් වසර 6ක ධුර කාලයක් ලබා ගත නොහැකි වූ නිසා ආණ්ඩු පක්ෂයේ ක්ලෝඩියා ෂයින්බෝම් අපේක්ෂකයා බවට පත් කරන ලදී.
ඇය මෙක්සිකෝ සිටි හි හිටපු නගරාධිපතිනිය ලෙස කටයුතු කර ඇති අතර දිගු කලක් වාම දේශපාලනය සමඟ සම්බන්ධ වී ඇත. 2007 දී මෙක්සිකෝවේ අන්තර් රාජ්‍ය කමිටුවට නොබෙල් ත්‍යාගය පවා හිමි විය. ඇය එවකට එහි සාමාජිකාවක් විය.
සිත්ගන්නා කරුණ නම්, ඇය තවත් කාන්තා අපේක්ෂිකාවක් වන ෂෝචිල් ගැල්වෙස් සමඟ තරඟ කිරීමයි. ඇය දක්ෂිනාංශික ජාතික ක්‍රියාකාරී පක්ෂයෙන් (PAN) මැතිවරනයට ඉදිරිපත් වන අතර ජනාධිපති ඔබ්‍රඩෝර්ගේ ප්‍රතිපත්තිවලට දැඩි විරුද්ධවාදියෙකි. ඒ සමගම තවත් අපේක්ෂකයෙකු වන Jorge Alvarez Minaj සිටින අතර ඔහුගේ ජයග්‍රහණයේ අවස්ථා අඩු බව පැවසේ.
මෙක්සිකෝ මැතිවරණ ඉතිහාසයේ ප්‍රචණ්ඩතම මැතිවරණය ලෙසද මෙය සැලකේ. බීබීසී වාර්තාවට අනුව මේ වන විට පුද්ගලයන් 200ක් පමණ මියගොස් ඇත. Guerrero පළාතේ පමණක් පුද්ගලයින් 50කට වැඩි පිරිසක් මියගොස් තිබේ. මෙක්සිකෝවේ අවසන් මහ මැතිවරණය පැවැත්වුණේ 2018 වසරේදීය.
0 Comments