එක්සත් ජාතික පක්ෂ මූලස්ථානය වන සිරිකොත සමගි ජන බලවේගය වෙත ලබා දෙන ලෙස ඊයේ ජනාධිපති රනිල් වික්‍රමසිංහගෙන් ඉල්ලා සිටියේය.
මාධ්‍ය වෙත අදහස් දක්වමින් එම පක්ෂයේ මැතිවරණ කළමනාකරු සුජීව සේනසිංහ කියා සිටියේ SJB හට සිරිකොතට හිමිකම් කීමට අයිතියක් ඇති බවයි.
“අපි හිටපු එක්සත් ජාතික පාක්ෂිකයන් නිසා සිරිකොතට හිමිකම් කියන්න අපට අයිතියක් තියෙනවා,” ඔහු පැවසීය.
එක්සත් ජාතික පක්ෂයේ වත්මන් තත්ත්වය පිළිබඳව කනස්සල්ල පළ කළ සේනසිංහ වැඩිදුරටත් කියා සිටියේ “එජාප නායකයා තම හෘද සාක්ෂියට එකඟව කටයුතු කර සිරිකොත අපට භාර දෙනු ඇතැයි අපි බලාපොරොත්තු වෙනවා. ඔහු එසේ කළ යුත්තේ ඉතිරි එජාප පාක්ෂිකයන් වෙනුවෙනි. සිරිකොත අපිට බාර දුන්නොත් එයාගේ සමහර පව් කමා වෙනවා.”
“වික්‍රමසිංහ එජාප නායකත්වයෙන් ඉවත් කිරීමට නොහැකි වූ නිසා අපට SJB පිහිටුවීමට සිදු විය,” ඔහු වැඩිදුරටත් පැවසීය.
මේ අතර ජනාධිපතිවරයාගේ සහ පාර්ලිමේන්තුවේ කාලය දීර්ඝ කිරීම සඳහා ජනමත විචාරණයක් පැවැත්විය යුතු බවට එජාප මහලේකම් පාලිත රංගේ බණ්ඩාර කළ ප්‍රකාශය ගැන
සඳහන් කළ සේනසිංහ එහිදී කියා සිටියේ තමන් වික්‍රමසිංහ හිතවාදී වූයේ කෙසේද යන්න අදහාගත නොහැකි බවයි. “රංගේ බණ්ඩාර ඒ දවස්වල එජාපයේ සිටි දැඩි වික්‍රමසිංහ විරෝධී චරිතයක්." ඔහු කීය.
ඒ කාලය තුළ එජාප නායකත්වය වෙනස් කිරීමට ඔහු අප සමඟ පෙරමුණේ සිටියා. 2018 පිහිටවූ දින 52ක ආණ්ඩුවට එතෙර වීම ඔහුව නැවැත්වූයේ මමයි. ඒ කාලය තුළ ඔහුට ශ්‍රී ලංකා පොදුජන පෙරමුණෙන් ඇමතිකමක් පිරිනැමුවා,” සේනසිංහ පැවසීය.
0 Comments