ශ්‍රී ලංකා ජාතික ක්‍රිකට් කණ්ඩායමේ ප්‍රධාන පුහුණුකරු ලෙස කටයුතු කළ එංගලන්ත ජාතික ක්‍රිස් සිල්වර්වුඩ් මහතා එම තනතුරෙන් ඉල්ලා අස්වී තිබේ. ඊයේ වාර්තාවූයේ උපදේශක පුහුනුකාර මහේල ජයවර්ධන ඉල්ලා අස්වූ පුවතයි.
පෞද්ගලික හේතු මත ක්‍රිස් සිල්වර්වුඩ් එම තීරණය ගෙන ඇති බව ශ්‍රී ලංකා ක්‍රිකට් ආයතනය නිවේදනයක් නිකුත් කරමින් සදහන් කරයි.
“ජාත්‍යන්තර පුහුණුකරුවෙකු වීම යනු ආදරණීයයන්ගෙන් දිගු කාලයක් ඈත්ව සිටීමයි. මගේ පවුලේ අය සමඟ සහ දැඩි හදවතකින් දීර්ඝ සංවාදවලින් පසු, මට නැවත නිවසට පැමිණ හොඳ කාලයක් එකට ගත කිරීමට කාලය පැමිණ ඇති බව මට හැඟේ, ”සිල්වර්වුඩ් පැවසීය.
“මම ශ්‍රී ලංකාවේ සිටින කාලය තුළ ලබාදුන් සහයෝගයට ශ්‍රී ලංකා ක්‍රිකට් ආයතනයේ ක්‍රීඩකයින්, පුහුණුකරුවන්, පසුපෙළ කාර්ය මණ්ඩලය සහ කළමනාකාරීත්වයට ස්තූතිවන්ත වෙනවා. ඔබේ සහය නොවන්නට මේ කිසිවක් සාර්ථක කර ගැනීමට නොහැකි වනු ඇත,” ඔහු වැඩිදුරටත් ප්‍රකාශ කළේය.
ශ්‍රී ලංකා ක්‍රිකට් ආයතනයේ සාමාජිකයෙකු වීමට ලැබීම මට සැබෑ ගෞරවයක් වන බවද සිල්වර්වුඩ් වැඩිදුරටත් පවසා සිටියි.
ලෝක කුසලාන තරගාවලිය අසාර්ථකවීමෙන් පසු ශ්‍රී ලංකා ක්‍රිකට් හසුරුවන්නන් කෙරෙහි ජනතා විරෝධය පළවෙමින් පවතින අතරතුර මොහුගේ ඉල්ලා අස්වීම සිදුවිය.
ක්‍රිකට් ආයතනය නිකුත් කළ සම්පූර්ණ ලිපිය පහතින්
0 Comments