උපකාර පන්ති ක්ෂේත්‍රයේ වාර්ෂිකව රුපියල් කෝටි 20,000 ක අසීමිත මුදල් හුවමාරුවක් සිදුවන බවට තොරතුරු හෙළිවී ඇති හෙයින් එම ක්ෂේත්‍රය වහාම නියාමනයට මෙන්ම බදු දැලට ද යටත් කළ යුතු බව පේරාදෙණිය විශ්වවිද්‍යාලයේ ආර්ථික විද්‍යා සහ සංඛ්‍යාන අධ්‍යයන අංශයේ මහාචාර්ය වසන්ත අතුකෝරළ මහතා පැවසීය.අදාළ විෂයයන් අසමත් වූ විවිධ අය ද උපකාර පන්තිවල උගන්වන බවට තොරතුරු හෙළිවී ඇතැයි පැවැසූ මහාචාර්යවරයා එවැන්නන් උපකාර පන්ති පැවැත්වීම අපරාධයක් බව ද සඳහන් කළේය.
උපකාරක පන්ති ක්ෂේත්‍රය පැහැදිලිවම නියාමනය විය යුතු බව ද ඔහු සඳහන් කළේය. උපකාර පන්ති ගුරුවරුන්ගේ අධ්‍යාපනික සුදුසුකම් සොයා බැලිය යුතු බවත්, ඔවුන් කුමන හෝ ස්ථානයක ලියාපදිංචි කළ යුතු බවත් මහාචාර්යවරයා සඳහන් කළේය.ඒ සඳහා අධ්‍යාපන අමාත්‍යාංශයට ලොකු කාර්ය භාරයක් පැවරෙන බව ද වසන්ත අතුකෝරල මහතා කීවේය.එසේ නොකළහොත් පාසල් අධ්‍යාපනය උපකාර පන්තිවල ගොදුරක් බවට පත්වී බිඳවැටිය හැකි බව ද හෙතෙම සඳහන් කළේය.
සුජිත් හේවාජුලිගේ
0 Comments