කඹුරුගමුව, මාතර දිස්ත්‍රික් නව රෝහලේදී ප්‍රතිකාර ලබා නොදීම හේතුවෙන් මාස 2ක බිළිඳෙකු උගුරේ කිරිහිරවීමෙන් මිය ගොස් ඇති බව වාර්තා වේ.
කඹුරුගමුව රෝහලේ හදිසි ප්‍රතිකාර ඒකකයට ළදරුවාට ඇතුළුවීම ප්‍රතික්ෂේප කිරීම නිසා ඊයේ (3) මෙම ඛේදජනක සිදුවීම සිදුවිය.
එදින උදෑසන ළදරුවාට කිරි ලබා දී ඇති අතර ඉක්මනින් සංකූලතා ඇති විය. අනතුරුව ඇයගේ දෙමාපියන් ඇයව ත්‍රිරෝද රථයකින් මාතර දිස්ත්‍රික් නව රෝහල වෙත රැගෙන ගොස් ඇත.
දෙමාපියන් පවසන පරිදි හදිසි ප්‍රතිකාර ඒකකය ක්‍රියාත්මක නොවන බවත් රෝගියා භාර ගැනීමට නොහැකි බවත් රෝහල් ආරක්ෂක නිලධාරීන් දැනුම් දී ඇත.
තම දරුවා ඇතුළට ගෙන යාමට හෝ ගිලන් රථයකින් ඇයව වෙනත් ස්ථානයකට ගෙන යාමට ඉඩ දෙන ලෙස දෙමාපියෝ ඉල්ලා සිටි නමුත්, ඔවුන්ගේ ඉල්ලීම් ප්‍රතික්ෂේප කර ඇති බව වාර්තා වේ.
අනතුරුව මවුපියන් බිළිඳා කිලෝමීටර් 10ක් පමණ දුරින් පිහිටි මාතර මහ රෝහල වෙත ගෙනගොස් ඇති අතර ඊට යම් වේලාවක් ගතවී ඇත.
මාතර මහ රෝහලේ වෛද්‍යවරු බිළිඳා මියගොස් ඇති බව ප්‍රකාශ කළේ ඔවුන් පැමිණෙන විටත් මරණය සිදුව ඇති බව දන්වමිනි.විනාඩි 30කට පෙර දැරිය රැගෙන ආවේ නම් ඇයගේ ජීවිතය බේරා ගැනීමට හැකිව තිබූ බව ප්‍රකාශ විය.
මෙලෙස ජීවිතක්ෂයට පත්වී ඇත්තේ මාතර කඹුරුගමුව ප‍්‍රදේශයේ පදිංචි ඔසඳ ආකිෂ් නමැති මාස 2යි දින 27ක් වයසැති නිවුන් දරුවන් දෙදෙනාගේ වැඩිමහල් බිළිඳායි.
බිළිඳාගේ දේහය පිළිබඳ අවසන් කටයුතු ඊයේ සවස මාතර පොදු සුසාන භූමියේදී සිදු විය.
මරණ පරීක්ෂණ වාර්තාවේ සඳහන්වී ඇත්තේ මෙය කිරි සිරවීමෙන් සිදුවු මරණයක් බවයි.
එම රෝහලේ උපත ලැබූ දරුවකු අතුරුදන්වීම සම්බන්ධයෙන් මෙම මාතර දිස්ත්‍රික් නව රෝහල පිළිබඳව පසුගිය මාසයේදීද ආන්දෝලනයක් මතු කළේය.
0 Comments