එක්සත් අරාබි එමීර් රාජ්‍යයේ, ඩුබායි හි පාලකයාගේ දියණිය ෂෙයිකා මහරා සාමාන්‍යයෙන් පිරිමි අය ගැහැනුන්ට ප්‍රකාශ කරන දික්කසාද ක්‍රමය අනුගමනය කරමින් කුමරියකගේ දුර්ලභ පියවරක් ලෙස සමාජ මාධ්‍ය හරහා දික්කසාද වන බව ප්‍රකාශ කර තිබේ.
30 හැවිරිදි ඇගේ ඉන්ස්ටග්‍රෑම් ගිණුමේ
“මම මෙයින් අපගේ දික්කසාදය ප්‍රකාශ කරමි,” “මම ඔබව දික්කසාද කරමි, මම ඔබව දික්කසාද කරමි, මම ඔබව දික්කසාද කරමි. ප්රවේසම් වන්න. ඔබේ හිටපු බිරිඳ. ” ලෙස සටහන් වේ.
ඉන්ස්ටග්‍රෑම් ගිණුමේ ෂෙයිකාට අනුගාමිකයන් ලක්ෂ 5 කට වඩා සිටී.
ඉස්ලාම් ආගමට අනුව සැමියන් තෙවරක් දික්කසාද කරන බව පැවසීමෙන් සිය බිරිඳව දික්කසාදය ලබා දෙන අතර එය ට්‍රිපල් තලාක් ලෙස හඳුන්වයි. කෙසේ වෙතත් බිරියක මේ ආකාරයට සැමියාට දන්වා සිටීම චාරිත්‍රානුකූලව සිදු නොවේ.
ෂෙයිකා මාහ්රා වර්තමාන ඩුබායි පාලකයාට සිටින දරුවන් 26 දෙනාගෙන් එක් අයෙකි.
ඇය විවාහවී සිටියේද රාජකීය පවුලට සම්බන්ධිත ෂෙයික් මනා බින් මොහොමඩ් නමැති අයෙකු සමගිනි. ඔවුනගේ විවාහයේ අලුතම ඔවුනට දියණියකද ලැබුණි.
ඇය සිය සැමියා සමඟ සිටින ඡායාරූප මේ වනවිට ඇයගේ ගිණුමෙන් ඉවත් කර තිබෙන අතර සැමියාගේ ගිණුමේ ද ඇයගේ පින්තූර නොමැත.
ෂෙයිකා මාහ්රා මේ දක්වා හැසිරී ඇති ආකාරය විමසීමේදී ඇය 'වෙනස් ' බව එරට මාධ්‍ය වාර්තා කර තිබේ.
කුමරියට ප්‍රසිද්ධ මහජන සහ සමාජ මාධ්‍ය පැවැත්මක් ඇත , බොහෝ විට ඩුබායි හි රතු පලස් උත්සවවලට ඇය සහභාගී වන අතර කලාපීය සඟරා වල කවර අලංකාර කිරීමද සිදුකර තිබුනේ වෙනත් කුමරියන් නොකළ ආකාරයටය. එය රාජකීය කාන්තාවන්ගේ අසාමාන්‍ය පුරුද්දකි.
ඇගේ මව ග්‍රීක ජාතිකයෙකි. කෙසේ වෙතත් ඇගේ දික්කසාද පණිවිඩය විශ්වාස කිරීමට පවා ඩුබායිහි ඇතැම් අරාබි ජාතිකයින් මැළි කමක් දක්වා ඇත.
සමහර Instagram භාවිතා කරන්නන් ඇගේ ගිණුම හැක් කර ඇත්දැයි අනුමාන කරයි. නමුත් එවැන්නක් ගැන ඇගේ පැහැදිලි කිරීමක් නොමැත.
0 Comments