තමන්ගේ ඡන්ද මධ්‍යස්ථානය පිහිටි ප්‍රදේශයේ පවතින තත්ත්වය හේතු කොටගෙන ඡන්දය භාවිතා කිරීමට නොහැකි වෙතැයි සාධාරණ බියක් ඇති ඡන්දදායකයන්ට වෙනත් මධ්‍යස්ථානයකදී ඡන්දය ප්‍රකාශ කිරීමට අවස්ථාව තිබෙන බව මැතිවරණ කොමිෂන් සභාව සඳහන් කරයි.මෙවර මැතිවරණයේදී වෙනත් ඡන්ද මධ්‍යස්ථානයකදී ඡන්දය භාවිත කිරීම සඳහා ඉල්ලුම්පත් යොමු කළ යුතු බවත් අදාළ ඉල්ලුම්පත් දිස්ත්‍රික් තේම් භාර නිලධාරීන් සහ ප්‍රාදේශීය ලේකම් හා ග්‍රාම නිලධාරී කාර්යාලවලින් ලබාගත හැකි බවද මැතිවරණ කොමිෂන් සභාව සඳහන් කරයි.
මෙම අයදුම්පත් සම්පූර්ණ කර අගෝස්තු මස 01වන දිනට පෙර මැතිවරණ කොමසාරිස් ජනරාල්, මැතිවරණ කොමිෂන් සභාව, සරණ පාර, රජගිරිය යන ලිපිනයට එවිය යුතු වේ. ඉල්ලුම්කරු විසින් මේ වසරට අදාළ ඒකාබද්ධ ඡන්ද නාමලේඛනය පදනම් කරගෙන අදාළ විස්තර ඉල්ලුම්පත්‍රයේ සඳහන් කළ යුතු වන අතර, නාමලේඛනයට අදාළ තොරුතුරු සියලුම දිස්ත්‍රික්ක ලේකම් කාර්යාලවල, කච්චේරිවල සහ දිස්ත්‍රික් මැතිවරණ කාර්යාලවල තබා තිබෙන බවද පෙන්වා දෙයි.
මීට අමතරව මේ වසරට අදාළ ඡන්ද හිමි ලේඛනයේ ලියාපදිංචි විස්තරය www. Elections.gov.lk වෙබ් අඩවියෙන් ලබා ගත හැක.ඉල්ලුම්පත්‍රයේ සඳහන් තොරුතරු ඉල්ලුම්කරු පදිංචි ප්‍රදේශයේ ග්‍රාම නිලධාර්වරයා විසින් සහතික කළ යුතු වන අතර, ග්‍රාම නිලධාර් සහතිකය නොමැති ඉල්ලුම්පත්‍ර ප්‍රතික්ෂේප කරන බවද මැතිවරණ කොමිෂන් සභාව සඳහන් කරයි.
ඉන්දික හේවාවිතාරණ
0 Comments