රජයේ වෛද්‍ය නිලධාරීන්ගේ සංගමයේ නව සභාපති ලෙස රාගම ශික්ෂණ රෝහලේ ළමා රෝග විශේෂඥ වෛද්‍ය සංජිව තෙන්නකෝන් සහ නව ලේකම් ලෙස වෛද්‍ය ප්‍රභාත් සුගතදාස මහත්වරු ඒකමතිකව තෝරාගෙන තිබේ.
සංගමයේ සාමාජිකත්වය විසින් පෙරේදා (29) දිනයේ දී සංගමයේ ව්‍යවස්ථාවට අනුව මෙම තෝරා පත් කර ගැනීම් සිදු කර තිබුණි.
වෛද්‍ය ප්‍රභාත් සුගතදාස මහතා කොළඹ ජාතික රෝහලේ සේවයේ නියුතු අතර, විශේෂඥ වෛද්‍ය සංජීව තෙන්නකෝන් මහතා රාගම ශික්ෂණ රෝහලේ සේවයේ නියුතුව සිටියි.
සංගමයේ ඉදිරි කටයුතු ව්‍යවස්ථාවට අනුකූලව විනිවිඳභාවයකින් යුතුව කරගෙන යාමටත්, සංගමයේ සාමාජිකත්වයේ ගැටලු හා ඔවුන්ගේ අයිතිවාසිකම් ලබාදීමට මෙන්ම රෝගී ජනතාවට වඩාත් යහපත් සෞඛ්‍ය සේවාවක් උරුමකර දීම සංගමයේ අපේක්ෂාව බව නව නිලධාරීන් සඳහන් කරති.
සංගමයේ හිටපු සභාපති විශේෂඥ වෛද්‍ය දර්ශන සිරිසේන සහ ලේකම් වෛද්‍ය හරිත අලුත්ගේ මහත්වරු සංගමයේ ව්‍යවස්ථාවට අනුකූලව පසුගියදා සිය තනතුරුවලින් ඉවත් වී තිබුණි.
0 Comments