ඉදිරියේදී පැවැත්වෙන ජනාධිපතිවරණයට ජන අරගල සන්ධානය අනිවාර්යයෙන්ම තරග කරන බව ජනඅරගල සන්ධානයේ විධායක කමිටු සාමාජිකා සුරේඛා සමරසේන මෙනවිය පැවැසුවාය.එම අපේක්ෂකයා පසුගිය ජනාධිපතිවරණයට ඉදිරිපත් වූ අපේක්ෂකයා නොවන බවත් අලුත්ම අපේක්ෂකයකු වීමට බොහෝ දුරට ඉඩ ඇති බවත් ඇය කීවාය.
ලබන සතියේදී ජන අරගල සන්ධානයේ ප්‍රතිපත්ති ප්‍රකාශය එළි දක්වන බවත් එහි කටයුතු අවසන් අදියරේ පවතින බවත් ඇය පැවැසුවාය.මේ වන විට ජන අරගල සන්ධානය වටා පෙරටුගාමී සමාජවාදී පක්ෂය, නව ප්‍රජාතන්ත්‍රවාදී මාක්ස් ලෙනින්වාදී පක්ෂය, සමාජවාදී ජනතා සංසදය ආදී සමාජවාදී පක්ෂ මෙන්ම වාමාංශික සමාජ ක්‍රියාකාරීන්, සිවිල් සංවිධාන රාශියක් එක්ව සිටින බව ද විධායක කමිටු සාමාජිකාව පැවැසුවාය.
ජනාධිපතිවරණයෙන් පසු මහ මැතිවරණය පැවැත්වුවහොත් ඊට ද අලුත්ම කණ්ඩායමක් ඉදිරිපත් කරන බව ද ඇය කීවාය.කිසි ලෙසකින්වත් ඉදිරි ජනාධිපතිවරණයේදී ජාතික ජන බලවේගය අපේක්ෂකයාට සහාය නොදක්වන බව ද කිසිදු සමාජවාදී වැඩපිළිවෙළක් ඔවුන් සතුව තිබෙන බවක් පෙනෙන්නට නැති බව ද ඇය කීවාය.
(අමිල චින්තක ගමගේ)
0 Comments