ඔලිම්පික් උළෙලේ කාන්තා ක්‍රීඩිකාවක ලෙස ක්‍රීඩාකරන පිරිමියෙක්ද යන්න සැක අයකුගෙන් පහර කෑ ඉතාලි බොක්සිං ක්‍රීඩිකා ඇන්ජෙලා කරිනි මෙම පහර ඉවසන්න බැරිව තරගය අතෑරීම සම්බන්ධ සිදුවීමක් නිසා ආන්දෝලනාත්මක තත්වයක් ඇතිව තිබේ.
ඔලිම්පික් උළෙලේ විශාල ආන්දෝලනයකට තුඩු දුන් සටනකින් තත්පර 46 කට පසු ඇල්ජීරියානු ඉමානේ කෙලිෆ්ට එරෙහිව තම සටන අතහැර දැමීමෙන් පසු ඉතාලි ක්‍රීඩිකාව කඳුළු සැලුවාය.
ස්ත්‍රී පුරුෂ ලිංගිකත්වය පිළිබඳ සුදුසුකම් පරීක්‍ෂණයෙන් අසමත් වීම හේතුවෙන් පසුගිය වසරේ කාන්තා ලෝක ශූරතාවලියෙන් නුසුදුස්සකු වුවද මෙවර ඔලිම්පික් උළෙලේදී ක්‍රීඩා කිරීමට අවසර දී ඇති බොක්සිං ක්‍රීඩිකාවන් දෙදෙනෙකු සිටින බව වාර්තාවන අතර මේ කියන කෙලිෆ් ඉන් එක් කෙනෙකි.
මෙම ආන්දෝලනාත්මක තරගයේදී කෙලිෆ්ගේ පළමු පහරින් කැරනිගේ චින්ස්ට්‍රැප් එක ගැලවී ගිය අතර දෙවැන්න ඇගේ නිකටට කඩාවැදී ඇගේ කොට කලිසමට ලේ වැගිරෙව්වේය. පහරවල් කිහිපයකින් පසු කරිනි ඇගේ අන්තයට පැමිණ අත එසවූවාය. ඇල්ජීරියානු ජාතිකයා ජයග්‍රාහකයා ලෙස ප්‍රකාශයට පත් කිරීමෙන් පසු ඇය දණින් වැටී හඬමින් කෙලිෆ්ගේ අතට අත දීම පවා ප්‍රතික්ෂේප කළාය.
කැරිනි පැවසුවේ තමාට දැඩි ලෙස පහර දීමෙන් පසු ඇය අසරණවූ බවත් ඇගේ නාසය කැඩී යතැයි බියෙන් පසුවූ බවත්ය. "මම මේ නිසා හද කම්පාවට පත්වුණා. මෙවර තරගයට මං ආවේ මම මගේ පියාට ගෞරව කිරීමටයි. මම වෙනදාට වළල්ලේ හැසිරුනේ ශූරයෙක් විදිහට. මම සටන්කාමියෙක්. නමුත් මම මගේ සෞඛ්‍යය වෙනුවෙන් නතර වීමට කැමැත්තෙමි. මට කවදාවත් මේ වගේ පහරක් දැනිලා නැහැ.මම හැම විටම ගෞරවාන්විතව හැසිරීමට උත්සාහ කළෙමි, මම සැමවිටම පක්ෂපාතීව මගේ රට නියෝජනය කළෙමි. මේ සැරේ මට ඒක කරන්න බැරි වුණේ මට තවත් රණ්ඩු වෙන්න බැරි නිසා. ”
මෙම තරගයේ පිරිමි ගැහැණු බව අවිනිශ්චිත ක්‍රීඩිකාව ගැන ඔලිම්පික් බලධාරීන් සාධාරණයක් කරනු ඇතැයි විශ්වාස කෙරේ.
කැරනි පැවසුවේ කෙලිෆ්ට තරඟයෙන් තහනම් කළ යුතුද යන්න "විනිශ්චය කිරීම මා සතු දෙයක් නොවන" බවයි. "මම මගේ කාර්යය කළා." ඇය කියයි.
මේ සම්බන්ධ පිරිමි- ගැහැනු අවිනිශ්චිත ඇල්ජීරියානු ජාතික කෙලිෆ් බීබීසීයට කතා කරමින් කීවේ "මම මෙහි සිටින්නේ රත්‍රන් සඳහා" "මම ඕනෑම කෙනෙකුට සටන් කරන්නෙමි, ජය වෙනුවෙන් සටන් කරමි." යනුවෙනුයි.
කාන්තාවන්ට සහ ගැහැණු ළමයින්ට එරෙහි හිංසනය පිළිබඳ එක්සත් ජාතීන්ගේ විශේෂ වාර්තාකරු රීම් අල්සලෙම් සිදු වූ දේ පිළිබඳව සිය කනස්සල්ල පළ කළාය. "Angela Carini නිවැරදිව ඇගේ සහජ බුද්ධිය අනුගමනය කළ බවත් ඇගේ ශාරීරික ආරක්ෂාවට ප්‍රමුඛත්වය දුන් නමුත් ඇය සහ අනෙකුත් ක්‍රීඩිකාවන් ඔවුන්ගේ ලිංගිකත්වය මත පදනම් වූ මෙම ශාරීරික හා මානසික ප්‍රචණ්ඩත්වයට නිරාවරණය නොවිය යුතුව තිබුණි" ඇය ට්වීට් කළාය.
ඉතාලි අගමැතිනි ජෝර්ජියා මෙලෝනි ප්‍රකාශ කරමින් මෙසේ කීවාය: “මම හිතන්නේ පිරිමි ජානමය ලක්‍ෂණ ඇති ක්‍රීඩිකාවන් කාන්තා තරගවලට ඇතුළත් කර නොගත යුතුයි... මගේ දෘෂ්ටි කෝණයෙන් එය සාධාරණ තරගයක් නොවේ.”
සටනට පෙර ජාත්‍යන්තර ඔලිම්පික් කමිටුව (IOC) තායිවානයේ Khelif සහ Lin Yu-ting හට මෙම ක්‍රීඩා උළෙලේ කාන්තා අංශයෙන් තරඟ කිරීමට අවසර දීම සම්බන්ධයෙන් විවේචනයට ලක් විය.
ඇල්ජීරියානු ඔලිම්පික් කමිටුව (COA) බදාදා ප්‍රකාශ කළේ “අපගේ ගෞරවනීය මලල ක්‍රීඩිකාව වන ඉමානේ කෙලිෆ්ට “ඇතැම් විදේශීය මාධ්‍ය ආයතනවලින්” පදනම් විරහිත ප්‍රචාර සමඟ සදාචාර විරෝධී ඉලක්ක කිරීම සහ අපහාස කිරීම දැඩි ලෙස හෙළා දකින අතර, “ඇගේ පෞරුෂයට සහ අභිමානයට එල්ල කරන එවැනි ප්‍රහාර ඉතා අසාධාරණ ය. , විශේෂයෙන්ම ඇය ඔලිම්පික් උළෙලේ සිය වෘත්තීය දිවියේ උච්චතම අවස්ථාවට සූදානම් වන විට. COA අපගේ ශූරයා ආරක්ෂා කිරීමට අවශ්‍ය සියලුම ක්‍රියාමාර්ග ගෙන ඇත.
මීළඟ වටයේදී කෙලිෆ්ට මුහුණ දීමට නියමිත හංගේරියානු බොක්සිං ක්‍රීඩිකාවක් වන ලුකා ඇනා හමෝරි පැවසුවේ ඇය සූදානම් බවයි. “මම වළල්ලට ගොස් මගේ ජයග්‍රහණය ලබා ගන්නෙමි. මම මගේ පුහුණුකරුවන් විශ්වාස කරනවා වගේම මම මාව විශ්වාස කරනවා.” ඇය කියා තිබේ.
ආන්දෝලනයට ලක්වූ සිදුවීමට අදාළ වීඩියෝව පහතින්
0 Comments