අම්පාර දඩයම්තලාව රුහුණුගම ප්‍රදේශයේ වයස අවුරුදු 09ක් වන පාසල් ශිෂ්‍යාවකට බරපතළ ලිංගික අපයෝජන කළ පෞද්ගලික සංගීත ගුරුවරයකු අත්අඩංගුවට ගැනීමට අම්පාර මධ්‍යම කඳවුර පොලිස් ස්ථානය මඟින් විමර්ශනයක් ආරම්භ කර තිබේ.
මෙම පාසල් ශිෂ්‍යාවගේ මව විසින් පෙරේදා (20) පොලිසියට කළ පැමිණිල්ල අනුව අවස්ථා ගණනාවකදීම මෙම පෞද්ගලික සංගීත ගුරුවරයා විසින් එම දැරිය අතවරයට ලක්කර ඇතැයි සඳහන් වෙන බව අම්පාර මධ්‍යම කඳවුර පොලිස් ස්ථානයේ ස්ථානාධිපති ප්‍රධාන පොලිස් පරීක්ෂක පතිරණ මහතා පැවසීය.
පසුගිය අප්‍රේල් මස දිනකදී මෙම දැරිය සංගීත ගුරුවරයා විසින් පළමුවරට බරපතළ ලිංගික අපයෝජනයට ලක් කර ඇති අතර පසුව වරින්වර සිදුවීම් සිදුව ඇති අතර අවසාන වරට ලිංගික අපයෝජනයකට ලක්ව ඇත්තේ මැයි මස එම දැරියගේ උපන් දිනයදා බව පොලිස් පරීක්ෂණවලදී හෙළිව තිබේ.
මෙම සිදුවීම සම්බන්ධයෙන් එම දැරියගේ මවට පැවසීමෙන් අනතුරුව එම දැරියගේ මව මේ සම්බන්ධයෙන් අදාළ පෞද්ගලික සංගීත ගුරුවරයාගෙන් විමසීමෙන් අනතුරුව ඔහු ප්‍රදේශයේ පලාගොස් ඇති අතර අනතුරුව දැරියගේ මව විසින් පොලිසියට පැමිණිලි කර තිබේ.
මේ වන විට අතවරයට ලක්වූ දැරිය අම්පාර රෝහලේ අධිකරණ වෛද්‍යවරයා වෙත අධිකරණ වාර්තාවක් ලබා ගැනීමට ඉදිරිපත් කර තිබේ.
සැකකරු හඳුනාගෙන ඇති අතර ඔහු ප්‍රදේශයෙන් පලා ගියද වහාම අත්අඩංගුවට ගැනීමට හැකිවනු ඇති බව පොලිසිය සඳහන් කළේය. පොලිසිය පවසන්නේ තම දරුවන් සම්බන්ධයෙන් මාපියන් වඩා සැලකිලිමත්ව කටයුතු කරන ලෙසය.
( රක්ෂණ ශ්‍රියන්ත)
0 Comments