පසුගියදා ජනපති රනිල් වික්‍රමසිංහට සහය පළකරන ආන්ඩු පක්ෂ රැස්වීමට අගමැතිවරයා ලෙස සහභාගී වූ නමුත් අගමැති දිනේෂ් ගුණවර්ධන මහින්ද පිලට සම්බන්ධ වෙනවාද රනිල් පිලට සම්බන්ධ වෙනවාද යන්න දෙගිඩියාවෙන් පසුවන බව වාර්තාවේ.
ඉදිරි ජනාධිපතිවරණයේදී දේශපාලන පක්ෂයක් වශයෙන් ඔහු නියෝජනය කරන මහජන එක්සත් පෙරමුණ විසින් ගනු ලබන ස්ථාවරය සම්බන්ධයෙන් තීරණය කිරීමට එම පක්ෂයේ මධ්‍යම කාරක සභාව කොළඹදී අද (01) රැස්වීමට නියමිතය.
අග්‍රාමාත්‍ය දිනේෂ් ගුණවර්ධන මහතාගේ නායකත්වයෙන් යුත් මහජන එක්සත් පෙරමුණ ශ්‍රී ලංකා පොදු ජන පෙරමුණ හා සන්ධානගතව ඉකුත් මහ මැතිවරණයට ඉදිරිපත් විණි.
කොළඹ දිස්ත්‍රික්කය නියෝජනය කරමින් ශ්‍රී ලංකා පොදුජන පෙරමුණින් මහ මැතිවරණයට මහජන එක්සත් පෙරමුණෙන් ඉදිරිපත් වූ වත්මන් අග්‍රාමාත්‍ය දිනේෂ් ගුණවර්ධන, ගම්පහ දිස්ත්‍රික්කය නියෝජනය කරමින් මහ මැතිවරණයට ඉදිරිපත් වූ වත්මන් රාජ්‍ය ඇමැති සිසිර ජයකොඩි සහ ජාතික ලැයිස්තුවෙන් පාර්ලිමේන්තුවට පත් වූ යදාමිණී ගුණවර්ධන මේ වන විට පාර්ලිමේන්තුව නියෝජනය කරති.
පක්ෂයේ මධ්‍යම කාරක සභාව රැස්වීමෙන් පසුව ඉදිරි ජනාධිපතිවරණය සම්බන්ධයෙන් පක්ෂයේ ස්ථාවරය ප්‍රකාශයට පත් කරන බව ද පක්ෂ අභ්‍යන්තර ආරංචි මාර්ග සඳහන් කරයි.
මේ අතර එක්සත් ජනරජ පෙරමුණේ නායක චම්පික රණවක ඉදිරි දින කිහිපය ඇතුළත ජනාධිපති රනිල් වික්‍රමසිංහට සහාය ලබාදීමට නියමිත බව වාර්තා වේ.
නමුත් ඒ පිළිබඳ අවසන් තීරණයක් තවමත් අරගෙන නොමැති බවද වාර්තා වේ. පහුගිය දවසක එක්සත් ජනරජ පෙරමුණේ මධ්‍යම කාරක සභාව කැඳවා චම්පික මේ පිළිබඳ මත විමසීමක් කර තිබේ. එහිදී බෙදුණු අදහසක් මතු වී ඇති අතර කොටසක් තරයේම කියා ඇත්තේ විපක්ෂ නායක සජිත් ප්‍රේමදාස හා එකතු වන ලෙසයි. මේ අතර චම්පික ආවොත් රනිල් පිළට අර්බුදයකට මුහුණපෑමට සිදු වන බවද වාර්තා වේ. ඒ චම්පික හා අමාත්‍ය ටිරාන් අලස් අතර දරුණු මට්ටමේ ආරවුලක් ඇති බැවිණි. කෙසේ වෙතත් රනිල්ට සහාය දෙන ජ්‍යෙෂ්ඨයන් රැසකගේ මතය වී ඇත්තේ චම්පික රණවක එක් කරගැනීම ඉතා වැදගත් බවයි.
මන්ත්‍රිවරයා පන්නිපිටිය ඇරැව්වල ප්‍රදේශයේ පෙරේදා (30 වැනිදා) පැවැති ජනහමුවකදී මෙසේ කියා ඇත.
"අපි තවමත් රනිල් වික්‍රමසිංහට සහාය දෙනවාද කියලා තීරණයක් කරලා නෑ. අපි සමගි ජන බලවේගය එක්කත් පසුගිය පෙබරවාරි 14 වෙනිදා ඉදිරිපත් කරපු වැඩපිළිවෙලත් එක්ක සාකච්ඡා ක්‍රියාදාමයකට ගියා. ඒ වගේම ශ්‍රී ලංකා නිදහස් පක්ෂයේ පිරිස් සමගත් අපි සාකච්ඡාවකට ගියා. ඒ නිසා ඉදිරි දින කිහිපය ඇතුළත අපි අපේ තීරණය ගන්නවා. රනිල් වික්‍රමසිංහ මහින්ද රාජපක්ෂගේ නායකත්වයෙන් ආවා නම් අපි කිසිසේත් සහයෝගය දෙන්නේ නැහැ. ඒත් රනිල් වික්‍රමසිංහ පසුගිය කාලේ ගත්ත ඇතැම් පියවර පිළිබඳව අපේ කිසිම සතුටක් නැහැ.
නමුත් මේ රටේ මූලික ප්‍රශ්නය වෙච්ච, රට බංකොලොත් භාවයෙන් ඉදිරියට ගෙන යාම කියන ප්‍රශ්නයේදී අපි හිතනවා ඒ පිළිබඳව සාකච්ඡා කරලා එකඟතාවයන් ඇතිකර ගත යුතුයි. විශේෂයෙන්ම රනිල් වික්‍රමසිංහ එක්ක නෙවෙයි ශ්‍රී ලංකා පොදුජන පෙරමුණේ ඉන්න මන්ත්‍රිලත් එක්ක" යැයිද හෙතෙම කීවේය.
මේ අතර පොදුජන පෙරමුණේ ප්‍රබලයකු වන පාර්ලිමේන්තු මන්ත්‍රි ජොන්ස්ටන් ප්‍රනාන්දු ජනාධිපති රනිල් වික්‍රමසිංහට සහය දැක්වීමේ කැමැත්තකින් සිටින බව කුරුණෑගල දිස්ත්‍රික් පොහොට්ටු මන්ත්‍රිවරුන් ජනාධිපතිවරයාට දැනුම් දී තිබේ. ‘‘මහින්ද මහත්තයා නිසා කරන්න දෙයක් නැතුව අසරණ වෙලා තමයි ඉන්නේ’’ යැයි ජොනීගේ වත්මන් තත්ත්වය පැවසුවද රනිල් පිල ඒ ගැන ඒ තරම් තැකීමක් කර නැත. ජොනී එජාපයට යළි එක් කර ගැනීමට මෙතරම් මැළිකමක් දක්වන්නේ එජාප කුරුණෑගල ප්‍රබලයා වන අකිල විරාජ් හා ජොන්ස්ටන් ආරවුල යළිත් කරළියට පැමිණේවි යැයි ඇති සැකය නිසා බවද වාර්තා වේ. කෙසේ වෙතත් මේ වන විට අකිල කුලියාපිටියේ නගරාධිපති ඇතුළු සියලුම මන්ත්‍රිවරුන් යළි එජාපය හා එක්කරගෙන ඇතත් නලීන් බණ්ඩාරට විශාල සවියක් වෙමින් සජබ බලය කුරුණෑගල පතුරුවන තරුණ මන්ත්‍රිවරයකු එක් කර ගැනීමට නොහැකි වීම පිළිබඳ කතා බහක් මතු වී තිබේ.
0 Comments