මහනුවර නාගරික සීමාව තුළ ප්‍රධාන බෝවන රෝගය බවට ක්ෂය රෝගය හඳුනාගෙන ඇති බවත් මේ වන විට නගර සීමාව තුළින් ක්ෂය රෝගීන් පනස්දෙනෙකු හඳුනාගෙන තිබෙන බවත් මහනුවර නාගරික වෛද්‍ය නිලධාර් පසන් ජයසිංහ මහතා පවසයි.ඒ අනුව මහනුවර නාගරික සීමාව තුළ ප්‍රධාන බෝවන රෝගය ඩෙංගු නොව ක්ෂය රෝගය බවට හඳුනාගෙන ඇති බවද වෛද්‍යවරයා කියයි.
නිතර පවතින කැස්ස සහ සෙම ගතිය, ඇඟට පණ නැති ගතිය හා කෑම අරුචිය ආදී රෝග ලක්ෂණ ඇති ජනතාව වහාම වෛද්‍යවරයෙකු හමුවට ගොස් අවශ්‍ය පරීක්ෂණ කටයුතු සිදු කරගන්නා ලෙසත් ඒ සඳහා කෙටිකාලීන ප්‍රතිකාර සඳහා යොමු වීම මගින් ක්ෂය රෝගය සඳහා අවශ්‍ය ප්‍රතිකාර නොලැබෙන බැවින් රෝගය ව්‍යාප්ත වීමේ අවදානමක් පවතින බවද වෛද්‍යවරයා පෙන්වා දෙයි.
ක්ෂය රෝගය වැලඳුණ අයකුට රෝගය වැලඳුණ බව හඳුනා ගැනීමට මාස හයකට ආසන්න කාලයක් ගතවන බැවින් හා දැනට මහනුවර නගරය ආශ්‍රිතව ක්ෂය රෝග තත්ත්වය බහුලව පවතින බැවින් හැකි තරම් ආරක්ෂිත ක්‍රියාමාර්ග පිළිපැදීමට ජනතාව දැනුවත් විය යුතු බවද වෛද්‍ය පසන් ජයසිංහ මහතා පවසයි.
ෂේන් සෙනෙවිරත්න
0 Comments