මහනුවර ඓතිහාසික ඇසළ පෙරහරේ ප්‍රථම රන්දෝලි පෙරහර ගමන් කිරීමට නියමිතව තිබූ පෙරේදා (15) මහනුවර නගරයට බැතිමතුන් සහ විදේශිකයන් එක් රැස් වෙමින් සිටියදී එක්වරම වෙඩි හඬක් නිකුත් වීම හේතුවෙන් පිරිස නොසන්සුන්තාවට පත්වූහ.මහනුවර නගරයේ හදවතේ වීදිය වශයෙන් සැලකෙන දළදා වීදිය ආසන්නයෙන් නිකුත් වූ එම වෙඩි පත්තු වීමේ සිදුවීම සම්බන්ධයෙන් පළාතේ විපක්ෂයේ ප්‍රබල මන්ත්‍රීවරයකුගේ දියණියකගේ සම්බන්ධයක් ඇතැයි නගරවාසීහු චෝදනා කරති.
එම විපක්‍ෂ මන්ත්‍රීවරයා ජනාධිපති අපේක්ෂකයාට සහාය පළකරමින් ඔහුගේ දියණිය තවත් පිරිසක් සමග පැමිණ නගරයේ විශාල රතිඤ්ඤා වැළක් දමා ගිනි දැල්වීම හේතුවෙන් රථවාහන තදබදයක් ද ඇතිවූ බව පොලිසිය කියයි.රන්දෝලි පෙරහර ආරම්භ වූ පෙරේදා (15) පෙරහර නැරඹීමට පැමිණි විශාල පිරිසකගෙන් පදික වේදිකා පිරීගොස් තිබූ අතර මේ හේතුවෙන් එම පිරිස් දැඩි අපහසුතාවට පත් වූහ. ඉන්පසු නගර සභා සේවකයෝ පැමිණ යළි මාර්ග පිරිසුදු කළහ.
0 Comments