ප්‍රේම සම්බන්ධතාව නවතා දැමීම නිසා උරණ වී තම පෙම්වතියගේ නිරුවත් ඡායාරූප අන්තර්ජාලයට මුදාහැරි බවට තර්ජනය කළ සිද්ධියක් සම්බන්ධයෙන් ළමා හා කාන්තා කාර්යාංශයේ නිලධාරීන් විසින් අත්අඩංගුවට ගත් පොලිස් නිලධාරීයකුගේ 19 හැවිරිදි පුත්‍රයකුට කොළඹ අතිරේක මහේස්ත්‍රාත් කේමින්ද පෙරේරා මහතා
ඊයේ (21) තරයේ අවවාද කොට මුදාහැරියේය. පෞද්ගලික අධ්‍යාපන ආයතනයක දැනට උසස් අධ්‍යාපනය හදාරමින් සිටින මෙම සැකකාර සිසුවා 18 හැවිරිදි සිසුවියක සමඟ ප්‍රේමසම්බන්ධතාවයක් පවත්වාගෙන ගොස් ඇති බව ළමා හා කාන්තා කාර්යාංශය සඳහන් කරයි. ප්‍රේමසම්බන්ධය නවතා දැමීමට අවශ්‍ය බවට ඇය පැවසූ බැවින් මෙලෙස නිරුවත් දර්ශන අන්තර්ජාලයට මුදාහැරි බවට තර්ජනය කර ඇති බව ළමා හා කාන්තා කාර්යාංශය අධිකරණයට දැනුම් දුන්නේය.
( දෙව්නි මහගමගේ)
0 Comments