හොංකොං හි ජාතික ගුවන් සේවය වන කැතේ පැසිෆික් සමාගම, ගුවන් යානාවන්ට බලපාන එන්ජින් ගැටලුවක් හඳුනා ගැනීමෙන් පසු සිය සම්පූර්ණ එයාර්බස් A350 ගුවන් යානා ඇණිය පරීක්ෂා කර ඇති අතර එය සිදු කිරීමත් සමඟ ගුවන් ගමන් ගණනාවක් අවලංගු කර ඇත.
ලෝකයේ විශාලතම දිගු දුර ජෙට් යානා භාවිතා කරන සමාගාම් වලින් එකක් වන මෙම ගුවන් සමාගම පවසා සිටියේ සඳුදා දින හොංකොං සිට සුරිච් බලා ගිය CX383 ගුවන් යානයේ එන්ජින් සංරචකයක අසාර්ථක වීමක් හඳුනා ගත් බවයි. ගුවන් යානය පසුව හොංකොං වෙත ආපසු පැමිණ තිබේ.
ගුවන් යානා 48කින් සමන්විත එහි ගුවන් යානා ඇණිය පිළිබඳ සවිස්තරාත්මක පරීක්ෂණයකින් "ප්‍රතිස්ථාපනය කළ යුතු එවැනිම එන්ජින් සංරචක කිහිපයක්" හෙළි වූ බව දන්වා ඇතත් එන්ජින් ගැටලුවේ ස්වභාවය පිළිබඳ විස්තර ඔවුන් සඳහන් කර නැත.
අඟහරුවාදා දහවල වන විට, සමාගම පවසා සිටියේ ප්‍රතිස්ථාපනය කළ යුතු බලපෑමට ලක් වූ එන්ජින් කොටස් සහිත ගුවන් යානා 15ක් හඳුනාගෙන ඇති බවයි.
ඉන් තුනක් අලුත්වැඩියා කර ඇති බව පැවසූ අතර, බලපෑමට ලක් වූ සියලුම ගුවන් යානා සෙනසුරාදා වන විට නැවත ක්‍රියාත්මක වනු ඇති බව පවසා ඇත.
පරීක්ෂණ හා අලුත්වැඩියා කටයුතු මධ්‍යයේ සඳුදා සහ අඟහරුවාදා දිනවල ක්‍රියාත්මක වූ ගුවන් ගමන් 24ක් කැතේ සමාගම මීට පෙර අවලංගු කර තිබිණි. බදාදා දින කලාපීය ආපසු පැමිණෙන ගුවන් ගමන් 10ක් අවලංගු කිරීමට ගුවන් සමාගම අපේක්ෂා කරන නමුත්, දිගු දුර සේවාවන්ට බලපෑමක් නොවනු ඇතැයි පැවසීය.
රොයිටර් පුවත් සේවය නම් නොකළ මූලාශ්‍රයක් උපුටා දක්වමින් වාර්තා කළේ සිද්ධියට හේතුව එන්ජිම තුළ ඉන්ධන යොමු කරන සංරචකයක් වන ඉන්ධන නාලිකාවක ගැටලුවක් බවයි.
A350 ගුවන් යානයට බලපාන මෙම ගැටලුව මතුවන්නේ එහි ප්‍රතිවාදී බොයිං (BA) සමාගම බරපතල සහ ඉහළ ගැටලු ගණනාවකට මුහුණ දීමෙන් පසුවය. මෙම වසරේ මුල් භාගයේදී අලාස්කා ගුවන් සේවය මගින් ධාවනය කරන ලද 737 Max ගුවන් යානයක් අහසේදී පිපිරී යාමෙන් පසුව ආරක්ෂක අර්බුදයකට මුහුණ දීමට ඔවුනට සිදුවිය.
එන්ජින් ගැටලුව සම්බන්ධයෙන් ගුවන් යානා නිෂ්පාදකයා සමඟ සම්බන්ධ වී ඇති බව කැතේ සමාගම පැවසූ අතර, එන්ජින් නිෂ්පාදකයා වන රෝල්ස්-රොයිස් සමාගම සහ නියාමකයින් ද ඔවුන් දැනුවත් කර ඇත.
0 Comments