පසුගිය ඉරිදා පැවති පහ ශ්‍රේණිය ශිෂ්‍යත්ව විභාගයේ පළමු ප්‍රශ්න පත්‍රය විභාග අවස්ථාවේ ජංගම දුරකථනයකින් බෙදාගත් බව කියන අනුරාධපුර විභාග මධ්‍යස්ථානයක විදුහල්පතිවරයෙකු ඇතුළු ගුරුවරුන් 6 දෙනෙකු විභාග දෙපාර්තමේන්තුවේ නිලධාරීන් විසින් අත්අඩංගුවට ගෙන තිබෙයි.
පරීක්‍ෂණවලට අනුව එම පුද්ගලයන් විභාගය ආරම්භ වීමට මිනිත්තු දහයකට පෙර පළමු ප්‍රශ්න පත්‍රයේ ඡායාරූප හුවමාරු කර ගෙන ඇත.
ඒ අනුව සහකාර අධීක්ෂකවරයා සහ ගුරුවරුන් හය දෙනෙකු ඔවුන්ගේ ජංගම දුරකථන සමඟ අත් අඩංගුවට ගනු ලැබුවේ පත්‍රයේ පින්තූර බෙදා ගත් බව කියන චෝදනාව මතයි.
විදුහල්පතිවරයකු සහ ගුරුවරුන් අනුරාධපුර සහ නොච්චියාගම පිහිටි රජයේ පාසල්වල අය වෙති.
ප්‍රශ්න පත්‍රය අනුරාධපුරය, නොචිචියාගම, කොළඹ ඇතුළු ප්‍රදේශ කිහිපයකට යවා ඇති බවද විමර්ශනවලදී අනාවරණය වී ඇත.
ශිෂ්‍යත්ව විභාග ප්‍රශ්න පත්‍රය ජංගම දුරකථනයෙන් පිටපත් කිරීමේ සිද්ධිය ලංකා ගුරු සංගමයේ සභාපති ප්‍රියන්ත ප්‍රනාන්දු මහතා තහවුරු කළේය.
"විභාගය පිළිබඳ විශ්වාසය බිඳ වැටී තිබෙනවා. බලධාරීන් නීතිය තදින් ක්‍රියාත්මක කළ යුතු අතර ප්‍රශ්න පත්‍රය නිකුත් කිරීමට වගකිව යුතු සියලු දෙනාට දැඩි දඬුවම් ලබා දිය යුතුයි," ප්‍රනාන්දු මහතා පැවසීය.
2024 වසර සඳහා වන 5 ශ්‍රේණිය ශිෂ්‍යත්ව විභාගය පසුගිය ඉරිදා (15) දිවයින පුරා විභාග මධ්‍යස්ථාන 2,849කදී පැවැත්විණි.
0 Comments