පැරිස් ඔලිම්පික් මැරතන් ධාවිකා රෙබෙකාට පෙම්වතා ගිනි තබයි

උගන්ඩාවේ ඔලිම්පික් දුර මැරතන් ධාවිකා රෙබෙකා චෙප්ටෙගෙයි තම සහකරු විසින් පෙට්‍රල් දමා ගිනි තැබීමෙන් පසු කෙන්යාවේ රෝහලක දැඩි සත්කාර ඒකකයේ ප්‍රතිකාර ලබන බව විදෙස් මාධ්‍ය සඳහන් කර තිබේ.
33 හැවිරිදි ඇය මෑතකදී පැරිසියේ පැවති ඇයගේ පළමු ඔලිම්පික් උළෙලේ කාන්තා මැරතන් තරඟයට සහභාගී වූ අතර 2:32.14 ක කාලසීමාවක් සහිතව 44 වන ස්ථානයෙන් තරගය අවසන් කලාය. එය රන් පදක්කම් ලාභී නෙදර්ලන්ත ජාතික සිෆාන් හසන්ට වඩා මිනිත්තු 9 ක් පමණ පසුපසිනි.
නමුත් උළෙලෙන් සති කිහිපයකට පසු,

මෙම භයානක ප්‍රහාරයෙන් ධාවන තරුව ඇගේ සිරුරෙන් 75%කට වඩා පිළිස්සීම්වලට ලක්ව ඇති බව වාර්තා වේ.
පොලීසිය පැවසුවේ චෙප්ටෙගෙයිට ඇයගේ කෙන්යානු පෙම්වතා වන ඩික්සන් මරංගාච් විසින් ප්‍රහාර එල්ල කර ඇති බවයි. ඔහු ඉරිදා කෙන්යාවේ ට්‍රාන්ස්-න්සොයියා පළාතේ එන්ඩෙබෙස් හි ඇයගේ නිවසට රහසිගතව ඇතුළු වී ඇත්තේ ඇය සහ ඇගේ දරුවන් පල්ලියේ සිටියදීය.
"ඩික්සන් පෙට්‍රල් රැගෙන විත් රෙබෙකා මත වත් කිරීමට පටන් ගත්තේය. ඉන්පසු ඔහු ඇයට ගිනි තැබීය," යනුවෙන් පොලිස් වාර්තාවක සඳහන් විය. ගින්නෙන් ඔහුද තුවාල ලැබූ බව එහි වැඩිදුරටත් සඳහන් විය.
වාර්තාවේ සඳහන් වූයේ අසල්වැසියන් දෙදෙනාම බේරාගෙන ආසන්නයේ පිහිටි කිටාලේ කවුන්ටි රෙෆරල් රෝහලට රැගෙන ගොස් ඇති අතර එහිදී ඔවුන් "බහුවිධ පිළිස්සීම්" සමඟ ඇතුළත් කර ඇති බවයි.
ඔවුන් මොයි ටීචින් ඇන්ඩ් රෙෆරල් හොස්පිටල් (MTRH) වෙත මාරු කරන ලද අතර, සඳුදා දින චෙප්ටෙගෙයි දැඩි සත්කාර ඒකකයට ඇතුළත් කරන ලදී.

"ඇගේ තත්ත්වය මුහුණේ පිළිස්සීම් සහ පටි දැමීම් සමඟ බරපතල ලෙස පෙනේ," යැයි MTRH කාර්ය මණ්ඩල සාමාජිකයෙක් AFP වෙත පැවසීය.
උගන්ඩා ක්‍රීඩිකාව සහ මරංගාච් යනු "නිරන්තරයෙන්  ආරවුල් ඇති වූ" යුවළක් බව පොලිස් වාර්තාවේ සඳහන් විය.
පොලිස් අධිකාරී ජෙරමියා ඔලේ කොසියොම් කෙන්යානු පුවත්පතක් වන ද ස්ටෑන්ඩර්ඩ් වෙත පවසා ඇත්තේ සිද්ධියට පෙර "ඔවුන්ගේ නිවස ඉදිරිපිට දී ආරවුල් වෙමින් සිටිනු" ඇසී ඇති බවයි.
ප්‍රාදේශීය ප්‍රධානියා විසින් ගොනු කරන ලද වාර්තාවක සඳහන් වූයේ යුවළ නිවස ඉදි කර ඇති ඉඩම සම්බන්ධයෙන් ගැටුම් ඇති වී ඇති බවයි.

කණගාටුවට කරුණ නම්, මෙම සිද්ධිය කෙන්යාවේ හුදෙකලා ප්‍රහාරයක් නොවීමය.2023 ජනවාරි මාසයේ කෙන්යානු ජාතික සංඛ්‍යාලේඛන කාර්යාංශයේ වාර්තාවකට අනුව කෙන්යාවේ කාන්තාවන්ගෙන් 34%ක් වයස අවුරුදු 15 න් පසු ශාරීරික ප්‍රචණ්ඩත්වයට ලක්වන්නන්ය.
"විවාහ වී සිටි කාන්තාවන් ප්‍රචණ්ඩත්වයට ගොදුරු වීමේ වැඩි ඉඩක් ඇති" බව එහි සඳහන් වන අතර, එවැනි කාන්තාවන්ගෙන් 41%ක් සිදුවීම් වාර්තා කර ඇති බවද දැක්විණි.