ඉඩම් ආරවුලකට මාමාට බෑනා පිහියෙන් ඇන මරලා

කාලෙක සිට පවතින ඉඩම් ආරාවුලක් හේතුකොටගෙන බෑණා කෙනකු වයස අවුරුදු 70 ක් වූ තම මවගේ සොහොයුරාට පිහියෙන් ඇන ඝාතනය කොට ඇතැයි බදුරලිය පොලිසිය කියයි .

පෙරේදා (14 වැනිදා) උදේ 6.30 ට පමණ මොරපිටිය ,අත්වැල්තොට ,අඹේගොඩ ,හීන්පන්විල ප්‍රදේශයේදී මෙසේ ඝාතනය කොට ඇත්තේ කොඩිප්පිලි ආරච්චිගේ රුක්මන් අප්පුහාමි නම්වූ අයෙකි .

සිද්ධියවූ දින තමා තේ ඉඩමේ වැඩ කරමින් සිටින විට නිවස දෙසින් ශබ්දයක් ඇසී ගොස් බලද්දී පියා වැටී සිටි බවත් සැකකරු “තෝවත් මරණවා " යැයි පැවසූ බවත් මිය ගිය අයගේ පුත් කොඩිප්පිලි ආරච්චිගේ මාධව මධුශංක යන අය පොලිසියට කර තිබූ ප්‍රකාශයේ සඳහන්වේ .

තමා ඉක්මනින් පියා ත්‍රීරෝද රථයකින් බදුරලිය රෝහලට ගෙන ගිය අතර ඒ වනවිටත් ඔහු මිය ගොස් සිටි බව ඔහු කර තිබූ පැමිණිල්ලේ සඳහන්වේ .

බදුරලිය පොලිස්ථානාධිපති පොලිස් පරීක්ෂක දිල්‍ රුක්ස් කොළඹගේගේ මෙහෙයවීම යටතේ මේ පිළිබඳව වැඩිදුර පරීක්ෂණ පැවැත්වේ .
(ලක්ඛිත විද්‍යාසේකර - කළුතර)