Deep Fake කාමුක දේවල් පැතිරීම සම්බන්ධයෙන් Telegram කොරියාවෙන් සමාව අයදී

දකුණු කොරියාවේ ඩිජිටල් ලිංගික අපරාධ රැසක් වාර්තාවීමෙන් පසු ටෙලිග්‍රාම් සමාජ මාධ්‍ය වේදිකාව එහි පණිවිඩ යෙදුම හරහා බෙදා හරින ලද Deep Fake කාමුක දේ හැසිරවීම සම්බන්ධයෙන් දකුණු කොරියානු බලධාරීන්ගෙන් සමාව අයැද තිබේ.

මෙවැනි රූප බෙදා හැරීම "සහාය දීම" යන චෝදනාව මත Telegram සම්බන්ධයෙන් පරීක්ෂණයක් ආරම්භ කර ඇති බව දකුණු කොරියානු පොලීසිය පවසා ටික දිනකින් සිදුවී ඇත.

මෑත සති කිහිපය තුළ, තරුණ කාන්තාවන්ගේ වෙනස් කරන ලද ඡායාරූප භාවිතා කරමින් ලිංගික ප්‍රකාශිත "Deep Fake" නිර්මාණය කරමින් සිටි Telegram චැට් කාමර විශාල ප්‍රමාණයක් හමුව ඇති අතර ඒවායින් බොහොමයක් නව යෞවනයන් විසින් පාලනය කරන ලද ඒවා යයි සොයාගෙන තිබේ.

බලධාරීන් පවසන්නේ Telegram එවැනි වීඩියෝ එහි වේදිකාවෙන් ඉවත් කර ඇති බවයි.

දකුණු කොරියාවේ සන්නිවේදන ප්‍රමිති කොමිසමට (KCSC) කළ ප්‍රකාශයක Telegram සඳහන් කළේ තත්ත්වය "අවාසනාවන්ත" බවත්, "වැරදි අවබෝධයක් තිබුණේ නම් සමාව අයදින" බවත්ය.

එසේම KCSC විසින් ඉල්ලා සිටි පරිදි එවැනි වීඩියෝ 25ක් ඉවත් කර ඇති බවද එය තහවුරු කළේය.

KCSC වෙත කළ නවතම ප්‍රකාශයේදී, නියාමකයා සමඟ අනාගත සන්නිවේදනය සඳහා කැපවූ විද්‍යුත් තැපැල් ලිපිනයක් ද Telegram යෝජනා කළේය.

Deep Fake නිර්මාණය කරනු ලබන්නේ කෘතිම බුද්ධිය භාවිතයෙන් වන අතර, නිතර සැබෑ පුද්ගලයකුගේ මුහුණ ව්‍යාජ සිරුරක් සමඟ සංයෝජනය කරයි.

මෑත Deep Fake අර්බුදය දකුණු කොරියාවේ දැඩි විරෝධයකට ලක්ව ඇත්තේ, රටේ ප්‍රධාන විශ්වවිද්‍යාල දෙකක කාමුක වලල්ල පිළිබඳව පොලීසිය විමර්ශනය කරමින් සිටින අතරය.

පසුගිය දින පහ තුළ එවැනි වීඩියෝ පිළිබඳ වාර්තා 118ක් පොලීසියට ලැබී ඇති බව පසුව හෙළි විය. පසුගිය සතියේ අල්ලාගත් සැකකරුවන් හත් දෙනෙකුගෙන්, ඉන් හය දෙනෙකු නව යෞවනයන් වන අතර, ඔවුන් පොලීසිය විසින් ප්‍රශ්න කර තිබේ.

චැට් කණ්ඩායම් රට පුරා පාසල් සහ විශ්වවිද්‍යාල සමඟ සම්බන්ධ විය.

ඔවුන්ගේ පීඩා විඳින්නන්ගෙන් බොහෝ දෙනෙක් වරදකරුවන්ට හඳුනාගත හැකි සිසුන් සහ ගුරුවරුන් විය.

දකුණු කොරියාවේ, ලිංගික ප්‍රකාශිත Deep Fake නිර්මාණය කිරීමේ වරදට වැරදිකරුවන් වූවන්ට වසර පහක සිර දඬුවමක් සහ වොන් මිලියන 50ක (ඇමරිකානු ඩොලර් 37,500) දඩයක් නියම කළ හැකිය.

දකුණු කොරියාව මෙම තීරණ වලට එළැඹෙන්නේ Telegram හි රුසියානු සම්භවයක් ඇති නිර්මාතෘ Pavel Durov ප්‍රංශයේදී අත්අඩංගුවට ගැනීමෙන් පසුවය.
Durov මහතාට දැන් චෝදනා එල්ල වී තිබේ.
 අඟහරුවාදා, දකුණු කොරියානු ජනාධිපති යුන් සුක් යෙයොල් "මෙම ඩිජිටල් ලිංගික අපරාධ මුලිනුපුටා දැමීම සඳහා සම්පූර්ණයෙන්ම විමර්ශනය කර විසඳන ලෙස" බලධාරීන්ට උපදෙස් දී තිබුණි.

කාන්තා අයිතිවාසිකම් ක්‍රියාකාරීන්ද Telegram මත ලිංගික අපයෝජනයට ඉඩ දීම සම්බන්ධයෙන් දකුණු කොරියානු බලධාරීන්ට චෝදනා කර තිබේ.