අඳුරු වලාකුළු මැද්දේ උදාවූ සුළු බලාපොරොත්තුවක් මැකී ගියේය. කොළඹ වාණිජ මහාධිකරණයේ සංවර්ධන නිලධාරිනියක් ලෙස කටයුතු කළ තරුණ උපාධිධාරිනියක් වූ දිල්රුක්ෂි වික්‍රමනායක මහත්මිය, තම ජීවිතයේ නව පරිච්ඡේදයක් ආරම්භ කර මාස දහයක් පමණක් ගතවී තිබියදී, අඳුරු රාත්‍රියක හදිසි ලෙස මෙලොවින් සමුගත්තාය.
මුලදී සුළු රෝගී තත්ත්වයක් ලෙස පෙනුණ උණ, කැස්ස සහ සෙම්ප්‍රතිශ්‍යාව, ක්‍රමයෙන් වර්ධනය වී ඇයගේ ජීවිතය උදුරාගත් ආකාරය අවිනිශ්චිතය. ඇය බේරාගන්නට දැරූ තැත අසාර්ථක විය. මරණය, වෛද්‍ය ක්ෂේත්‍රයේ සියලු උත්සාහයන් අභිබවා ගියේය. කුරුණෑගල සිට තෙල්දෙණිය දක්වා වූ ඇයගේ අවසාන ගමන, ජීවිතයේ අනියත බව පිළිබඳ කාරුණික සිහිකැඳවීමකි.
දිල්රුක්ෂිගේ සැමියා වන තේමිය ලක් රුවන් ද සොයිසා මහතා, තම බිරිඳගේ රෝගී තත්ත්වය ගැන දැඩි උනන්දුවෙන් කටයුතු කළ ආකාරය, ඔහුගේ සාක්ෂිය තුළින් මනාව පිළිබිඹු විය. එමෙන්ම, දිල්රුක්ෂිගේ පියා වන උපපොලිස් පරීක්ෂක ඩී. ඩබ්ලිව්. ජේ. කේ. වික්‍රමනායක මහතාගේ වචන, පියෙකුගේ හදවතේ වේදනාව හා බලාපොරොත්තු සුන්වීම ප්‍රකට කළේය.
මෙම සිද්ධිය, අපගේ සෞඛ්‍ය පද්ධතියේ ඇති අභියෝග මෙන්ම, ජීවිතයේ කෙටි බව ද සිහිපත් කරයි. දිල්රුක්ෂිගේ බාල සහෝදරියගේ විවාහය ආසන්නයේ තිබියදී සිදුවූ මෙම ඛේදවාචකය, සතුට හා දුක අතර ඇති සියුම් මායිම පෙන්නුම් කරයි.
තෙල්දෙණිය, උඩුදුම්බර හදිසි මරණ පරීක්ෂක පී.කේ. අබේරත්න මහතා දුන් විවෘත තීන්දුව, මෙම සිද්ධිය පිළිබඳ වැඩිදුර විමර්ශන සඳහා මඟ පාදයි. මෙම සිද්ධිය, අප සෑම දෙනාටම ජීවිතයේ අගය හා සෑම මොහොතකම වටිනාකම සිහිපත් කරන අතර, අපේක්ෂා භංගත්වයේ කඳුළු මැද වුවද, අනාගතය දෙස බලාපොරොත්තුවෙන් බැලීමේ වැදගත්කම අවධාරණය කරයි.
උණ, කැස්ස සහ සෙම්ප්‍රතිශ්‍යාව වැළඳී කුරුණෑගල ශික්ෂණ රෝහලට ඇතුළත් කිරීමෙන් පසුව සිහි නැති කර තෙල්දෙණිය රෝහලට රැගෙන ගොස් එහි දැඩිසත්කාර ඒකකයට ඇතුළත් කර ප්‍රතිකාර ලබමින් සිටියදී මියගිය කොළඹ වාණිජ මහාධිකරණයේ සංවර්ධන නිලධාරිනියක ලෙස රැකියාව කළ උපාධිධාරිනියගේ මරණය සම්බන්ධයෙන් මරණ පරීක්ෂණය පැවැත් වූ තෙල්දෙණිය, උඩුදුම්බර හදිසි මරණ පරීක්ෂක පී.කේ. අබේරත්න මහතා විවෘත තීන්දුවක් දුන්නේය.
මම මරණය සම්බන්ධයෙන් පශ්චාත් මරණ පරීක්ෂණය පවත්වනු ලැබුවේ ඇත්තේ මහනුවර ජාතික රෝහලේ සහකාර අධිකරණ වෛද්‍ය නිලධාරී කේ.ජී.සී.එස්. චන්ද්‍රදාස මහතා විසිනි.වැඩිදුර පරීක්ෂණ පැවැත්වීම සඳහා රජයේ රස පරීක්ෂක දෙපාර්තමේන්තුවේ විශේෂඥයන්ට යැවීමට සිරුරේ කොටස් ගත් සහකාර අධිකරණ වෛද්‍ය නිලධාරී චන්ද්‍රදාස මහතා එම පරීක්ෂණ වාර්තා ලැබීමෙන් පසු මරණයට හේතු ප්‍රකාශයට පත් කරන බව දැනුම් දුන්නේය.හදිසි මරණ පරීක්ෂක අබේරත්න මහතා මරණයට විවෘත තීන්දුවක් දුන්නේ එම වෛද්‍ය වාර්තාව සැලකිල්ලට ගෙනය.
මෙසේ මියගොස් ඇත්තේ කුරුණෑගල, උහුමීය, කොට්ටයාය හන්දිය ප්‍රදේශයේ පදිංචිව සිටි බුලුවා නවත්තේ ගෙදර දිල්රුක්ෂි වික්‍රමනායක නමැති විසි නව හැවිරිදි කාන්තාවකි.ඇය මීට මාස දහයකට පමණ ඉහත විවාහ දිවියට ඇතුළත් වී ඇතැයි හදිසි මරණ පරීක්ෂණයේ දී අනාවරණය විය.දිල්රුක්ෂි වික්‍රමනායක මහත්මියගේ සැමියා වන තේමිය ලක් රුවන් ද සොයිසා (30) මහතා හදිසි මරණ පරීක්ෂකවරයා හමුවේ සාක්කි දෙමින් මෙසේ පැවසීය.
මියගොස් සිටින්නේ මගේ විවාහක බිරිඳයි. අප දෙදෙනා මීට මාස දහයකට පමණ ඉහත දී විවාහ දිවියට ඇතුළත් වුණා. රැකියාවට යෑමේ පහසුව සඳහා නුගේගොඩ දෙල්කඳ හන්දියේ තාවකාලිකව පදිංචිව සිටියා. බිරිඳට උණ, කැස්ස, හෙම්බිරිස්සාව තිබූ නිසා වෛද්‍ය ප්‍රතිකාර ලබා දුන්නා.
එහෙත් රෝග ලක්ෂණ අඩු නොවූ නිසා බිරිඳ පසුගිය සිකුරාදා කුරුණෑගල උහුමීයේ පිහිටි ඇයගේ මහ ගෙදර පැමිණියා. මම පෞද්ගලික ගෑස් සමාගමක තොරතුරු තාක්ෂණ විමර්ශන නිලධාරියකු ලෙස රැකියාව කරනවා. මට නිවාඩු ලබාගැනීම අපහසු නිසා ඇය තනියම ගෙදර ගියා.
බිරිඳ ගෙදර ආ බව හවස පහට පමණ දුරකථනයෙන් කතා කර දැනුම් දුන්නා. පෞද්ගලික වෛද්‍ය මධ්‍යස්ථානයකට ගොස් වෛද්‍යවරයකුගෙන් ප්‍රතිකාර ලබාගෙන තිබුණා. රාත්‍රී 7.30ට පමණ බිරිඳට හුස්ම ගැනීමේ අපහසුතාව සහ කොන්දේ අමාරුව සෑදී තිබෙනවා. පසුව මමත් කඩිනමින් ගෙදර ආවා. බිරිඳ කුරුණෑගල සමුපකාර රෝහලට ඇතුළත් කළා. එම රෝහලේ වෛද්‍යවරුන්ගේ උපදෙස් ඇතිව එදිනම උදේ එකොළහට පමණ බිරිඳව කුරුණෑගල ශික්ෂණ රෝහලේ තුන්වැනි වාට්ටුවට ඇතුළත් කළා.
දැඩි සත්කාර ඒකකයේ ප්‍රතිකාර දිය යුතු බවට වෛද්‍යවරුන් තීරණය කළත් කුරුණෑගල ශික්ෂණ රෝහලේ දැඩි සත්කාර ඒකකයෙන් එය කළ නොහැකිව තිබුණා. පසුව බිරිඳ සිහි නැතිකර තෙල්දෙණිය රෝහලේ දැඩි සත්කාර ඒකකයට රාත්‍රී 10.30ට පමණ ඇතුළත් කළා. එදිනම රාත්‍රී 11.50 ට පමණ බිරිඳ මියගොස් ඇති බව දැනගැනීමට ලැබුණා.මියගිය දිල්රුක්ෂි වික්‍රමනායක මහත්මියගේ පියා වන කුරුණෑගල පොලිස් විශේෂ විමර්ශන ඒකකයේ උපපොලිස් පරීක්ෂක ඩී. ඩබ්ලිව්. ජේ. කේ. වික්‍රමනායක (56) මහතා හදිසි මරණ පරීක්ෂකවරයා හමුවේ සාක්ෂි දෙමින් මෙසේ පැවසීය.
මිය ගොස් ඇත්තේ මගේ වැඩිමල් දියණියයි.දියණියට කැස්ස හෙම්බිරිස්සාව සහ උණ රෝගය වැළඳී තිබුණා. ඒ සඳහා වෛද්‍ය ප්‍රතිකාර ලබාදුන්නා. දියණිය දැඩි සත්කාර ඒකකයට ඇතුළත් කර ප්‍රතිකාර ලබාදිය යුතු වුවත් කුරුණෑගල ශික්ෂණ රෝහලේ දැඩිසත්කාර ඒකකයේ ඇඳක් වෙන් කර ගැනීමට නොහැකි වූ නිසා තෙල්දෙණියේ රෝහලේ දැඩිසත්කාර ඒකකයේ ඇඳක් තිබෙන නිසා දුව සිහි නැති කර තෙල්දෙණිය රෝහලට මාරු කර යැව්වා. මට දැනුම් දුන් ගමන් මමයි බිරිඳයි මගේ බාල දියණියයි ඥාති පුතකුයි තෙල් දෙණිය රෝහලට පිටත්ව ගියා. එම රෝහලේ දැඩිසත්කාර ඒකකයට ඇතුළත් කර ප්‍රතිකාර ලබා දුන්නා. තෙල්දෙණිය රෝහලේ දැඩිසත්කාර ඒකකයේ වෛද්‍යවරයකු මට දැනුම් දුන්නා දුව මියගිය බව.
තෙල්දෙණිය රෝහල් පොලිසියේ සැරයන් මද්දුම බණ්ඩාර (64596) මහතා මෙම මරණ පරීක්ෂණයේදී සාක්ෂි මෙහෙයවීය.මියගිය දිල්රුක්ෂි මහත්මියගේ බාල නැගණිය ද මෙම මස විවාහ දිවියට ඇතුළත් වීමට නියමිතව සිටින්නීය.මියගිය දිල්රුක්ෂි මහත්මියගේ භූමදාන කටයුතු ඊයේ (3) උහුමීයේ දී සිදුකිරීමට නියමිතව තිබිණි.
0 Comments