ආර්ථික කඩා වැටීමෙන් පසු ශ්‍රී ලංකාවේ පළමු මැතිවරණය හෙටයි - ගල්ෆ් නිවුස් වාර්තාව

ශ්‍රී ලංකාවේ හෙට (21) පැවැත්වෙන ජනපතිවරණය පිළිබඳව ජාත්‍යන්තර 'ගල්ෆ් නිවුස්' පුවත්පත අද (20) පළ කර ඇති ලිපියක පරිවර්තනය පහතින්.
ආර්ථික කඩා වැටීමෙන් පසු ශ්‍රී ලංකාවේ පළමු මැතිවරණය ලෙස ජනපතිවරණය හෙට පවත්වයි.මිලියන 17.1ක් ඡන්දය දීමට නියමිත වන අතර මැතිවරණය පැවැත්වීමට නිලධාරීන් 200,000ක් යොදවා ඇත.
මුදල් අර්බුදයට මුහුණ දී සිටින ශ්‍රී ලංකාව හෙට දින සිය ඊළඟ ජනාධිපතිවරයා තෝරා පත් කර ගැනීම සඳහා ඡන්දය පාවිච්චි කරනු ඇත. මෙය දිවයිනේ  මූල්‍ය අර්බුදයෙන් පසුව ක්‍රියාත්මක කරන ලද ජනප්‍රිය නොවන ජාත්‍යන්තර මූල්‍ය අරමුදලේ කප්පාදු සැලැස්ම පිළිබඳ ඵලදායී ජනමත විචාරණයක් ලෙසද සැලකේ.

ජනාධිපති රනිල් වික්‍රමසිංහ ඡන්දදායකයින්ගෙන් ඉල්ලා සිටියේ ආර්ථිකය ස්ථාවර කළ බවත්, මාස ගණනාවක් පුරා පැවති ආහාර, ඉන්ධන සහ ඖෂධ හිඟය අවසන් කළ බවත් වන අතර එසේ පවසමින් කප්පාදු පියවර සමඟ ඉදිරියට යාම සඳහා නව වරමක් ලබා දෙන ලෙස ඉල්ලීය.

"බංකොලොත්භාවය අවසන් කිරීම සඳහා අපි ප්‍රතිසංස්කරණ සමඟ ඉදිරියට යා යුතුය," යැයි වයස 75ක් වන වික්‍රමසිංහ බදාදා රාත්‍රියේ කොළඹ පැවති සිය අවසන් රැලියේදී පැවසීය. "අපි නව ආර්ථිකයක් ගොඩනැගිය යුතුය." ඔහු කීය.

2022 දී පහත වැටීමෙන් පසු ඇති වූ සිවිල් කැරලි හේතුවෙන් දහස් ගණනක් ඔහුගේ පූර්වගාමියාවූ ගෝඨාභයගේ නිල නිවාසය ආක්‍රමණය කිරීමෙන් හිටපු ජනාධිපතිවරයා වහාම රටින් පලා ගියේය.
වික්‍රමසිංහ ඇතිවූ තත්වය පාලනය කිරීමට සිය බලය යෙදවුයේ පූර්වගාමියාගේ සහපිරිවර  රකිමිනි.
නමුත් වික්‍රමසිංහගේ බදු වැඩි කිරීම් සහ අනෙකුත් කප්පාදු පියවර, ඩොලර් බිලියන 2.9ක ජාත්‍යන්තර මූල්‍ය අරමුදලේ බේරාගැනීමේ මෙහෙයුම සමඟ ගැලපෙන පරිදි පනවා තිබීම ජනතාවගේ කණස්සල්ලට හේතුවිය. විදුලි බිල වැඩිවීම භාණ්ඩ මිල ඉහළයාම ඇතුලු ගැටලු නිසා එය මිලියන ගණනක් ජනතාව දුෂ්කරතාවලට මුහුණ දී සිටින තත්ත්වයකට පත් කර ඇත.

2022 දී රජය පොරොන්දු කඩ කිරීමෙන් පසුව දිවයිනේ ඩොලර් බිලියන 46ක විදේශ ණය ගෙවීම් තවමත් යළි ආරම්භ නොකළ බැවින් ශ්‍රී ලංකාවේ ආර්ථිකය තවමත් අවදානම් සහගත බව විශේෂඥයෝ අනතුරු අඟවති.

"මැතිවරණය බොහෝ දුරට වික්‍රමසිංහගේ රජය ආර්ථික අර්බුදය හසුරුවා ඇති ආකාරය සහ ඉන් පසු සිදු වූ මධ්‍යස්ථ යථා තත්ත්වයට පත්වීම පිළිබඳ ජනමත විචාරණයක් වනු ඇත," යැයි ජාත්‍යන්තර අර්බුද කණ්ඩායම මෙම සතියේ පැවසීය.

බදාදා රාත්‍රියේ දින 56ක ප්‍රචාරක කාලයකින් පසු මැතිවරණ රැලි අවසන් වූ අතර, රට හෙට දින ඡන්දයට පෙර දින දෙකක "නිහඬ කාලයකට" පිවිසිණි.

මිලියන 17.1ක් පමණ ඡන්දය දීමට සුදුසුකම් ලබා ඇත. මැතිවරණය පැවැත්වීම සඳහා නිලධාරීන් 200,000කට වැඩි සංඛ්‍යාවක් යොදවා ඇති අතර පොලිස් නිලධාරීන් 63,000ක් ආරක්ෂාව සපයනු ඇත. ඉරිදා වන විට ප්‍රතිඵල බලාපොරොත්තු විය හැකිය.

ජනපතිවරණයේදී වික්‍රමසිංහ මූලික ලෙස මුහුණ දෙන්නේ බියකරු අභියෝගකරුවන් දෙදෙනෙකුටය. ඉන් එක් අයෙකු වන්නේ හිංසාත්මක අතීතයකින් කැලැල් වූ සුළුතර මාක්ස්වාදී පක්ෂයක නායක අනුර කුමාර දිසානායකයි. එම පක්ෂය 1970 සහ 1980 ගණන්වල අසාර්ථක කැරලි දෙකක් මෙහෙයවූ අතර එහිදී 80,000කට වැඩි පිරිසක් මිය ගිය අතර පසුගිය පාර්ලිමේන්තු මැතිවරණයේදී සියයට හතරකටත් වඩා අඩු ඡන්ද ප්‍රමාණයක් ලබා ගත්තේය.

නමුත් ශ්‍රී ලංකාවේ අර්බුදය තුළ ගැලවුම්කාරයකු වන්නට වයස 55ක් වන අනුර කුමාර දිසානායකට අවස්ථාවක් උදා කර ඇති අතර, දිවයිනේ "දූෂිත" දේශපාලන සංස්කෘතිය වෙනස් කිරීමේ ඔහුගේ පොරොන්දුව මත පදනම්ව ජනතා සහාය ඉහළ නැංවී තිබෙන බව දක්නට ලැබී තිබේ.

"21 වැනිදා (ඡන්ද දිනය) ශ්‍රී ලංකාවේ පාලන ක්‍රමය සම්පූර්ණයෙන්ම වෙනස් කිරීම සඳහා වන දීර්ඝ ගමනක ආරම්භය වනු ඇත," යැයි දිසානායක කොළඹ උපනගරයක රතු කොඩි වලින් සැරසූ සිය අවසන් රැලියේදී පැවසීය. අසාමාන්‍ය ආර්ථික අර්බුදයකට මග පෑදූ දූෂණ මගඩි සහ නිරන්තර ආර්ථික දුස්කළමනාකරණය පිළිබඳ මහජන කෝපයෙන් ඔහුට ප්‍රතිලාභ ලැබෙනු ඇතැයි විශ්ලේෂකයෝ පවසති.

විපක්ෂ නායක සජිත් ප්‍රේමදාස රටේ දශක ගණනාවක සිවිල් යුද්ධය අතරතුර 1993 දී ඝාතනය කරන ලද හිටපු ජනාධිපතිවරයෙකුගේ පුත්‍රයෙකු ලෙස මතුවූවෙකි. නමුත් ඔහුද ශක්තිමත් අභියෝගයක් පෙන්වනු ඇතැයි අපේක්ෂා කෙරේ.

ඔහු රාජ්‍ය ප්‍රසම්පාදනයේ විනිවිදභාවය සහතික කිරීමට සහ පැතිර පවතින දූෂණයට එරෙහිව සටන් කිරීමට පොරොන්දු විය.

වයස 57ක් වන ඔහු 2020 දී සිය හිටපු නායකයා ප්‍රතික්ෂේප කරන තෙක් වික්‍රමසිංහගේ හිටපු සහායකයෙකු සහ නියෝජ්‍යයෙකු විය. ඔහු ජාත්‍යන්තර මූල්‍ය අරමුදලෙන් සහන ලබා ගැනීමේ පොරොන්දුවක් මත ප්‍රචාරක ව්‍යාපාරය ගෙන ගොස් ඇත.

"වෘත්තිකයන් විදේශ රැකියා සොයා යෑමට බල කරන ජාත්‍යන්තර මූල්‍ය අරමුදල් සහාය ලබන අසාධාරණ බදු ව්‍යුහය අපි සංශෝධනය කරන්නෙමු," යැයි ප්‍රේමදාස සිය ප්‍රකාශනයේ සඳහන් කළේය.