කටුනායක ගුවන්තොටුපොළේ ඇති රථ ගාලක රුපියල් කෝටියක් පමණ වටිනා විදේශීය මත්පැන් බෝතල් 118ක් සඟවාගෙන සිටි ජාවාරම්කරුවකු ගුවන් අපරාධ පරීක්ෂණ දෙපාර්තමේන්තු නිලධාරීන් විසින් ඊයේ (05) අත්අඩංගුවට ගෙන තිබේ.
මොහු කොළඹ - 13 ප්‍රදේශයේ පදිංචි මත්පැන් ජාවාරම් සිදු කරන ව්‍යාපාරිකයෙකි. කටුනායක ගුවන්තොටුපොළ වෙත පැමිණෙන ගුවන් මගීන් විසින් DutyFree ඔස්සේ අඩු මිලට රැගෙන එන මත්පැන් බෝතල් ගුවන්තොටුපොළ රථ ගාල තුළ රැඳී සිටිමින් මිලට ගෙන මෙසේ එකතු කරගෙන පසුව ඒවා ශ්‍රී ලංකාව පුරා සංචාරක හෝටල් වෙත වැඩි මිලට අලෙවි කිරීමේ ජාවාරමක නිරතව සිටින්නෙකි.
ඔහු සන්තකයේ ලේබල් - 5 විස්කි බෝතල් 99ක්, බ්ලැක් ලේබල් විස්කි බෝතල් 14ක් සහ වැට් - 69 විස්කි බෝතල් 05ක් තිබී කටුනායක ගුවන්තොටුපොළ අපරාධ පරීක්ෂණ දෙපාර්තමේන්තු නිලධාරීන් විසින් අත්අඩංගුවට ගෙන තිබේ.
මෙම ව්‍යාපාරිකයා සමඟ ඔහු විසින් එක්‍ රැස් කරගෙන තිබූ විස්කි බෝතල් තොගය මීගමුව මහේස්ත්‍රාත් අධිකරණය වෙත ඉදිරිපත් කිරීමට නියමිතය.
( කටුනායක - ටී.කේ.ජී.කපිල)
0 Comments