මත්ද්‍රව්‍ය චෝදනා යටතේ බන්ධනාගාරගතව සිට අධිකරණයේ නඩු කීපයක්ද පවතින සැකකරුවෙකු ඡන්දය දා 21 වැනිදා අලුයම තම නි‍ෙවසේ වහලයේ කඔයකින් ගෙල වැලලාගෙන මියගොස් ඇතැයි කිතුල්ගල පොලිසිය පවසයි.
මෙසේ මියගොස් සිටියේ තැලිගම, ඉංගිරියාවත්තේ පදිංචි වයස අවුරුදු 23ක් වන කන්කානම්ලාගේ ඉෂාන් දිල්ෂාන් නැමැති ඒක්දරු පියෙකි.
මත්ද්‍රව්‍ය විකිණීම සම්බන්ධව සැකපිට බන්ධනාගාරගතව සිට ඉකුත් 28 දින ඇපපිට නිදහස් වූ තම ස්වාමියා අයිස් මත්ද්‍රව්‍ය පාවිච්චි කරන බව තමාට පවසා ඇති බවත් මරණ පරීක්ෂණයේදී සාක්ෂි දුන් බිරිඳ පවසා සිටියාය.
මෙහිදී යටියන්තොට ප්‍රාදේශීය ලේකම් කොට්ඨාසයේ හදිසි මරණ පරීක්ෂක ජගත් චන්දික රූපසිංහ, කිතුල්ගල පොලිසියේ උප පොලිස් පරීක්ෂක පාලිත ධර්මසිරි මහතා හා ග්‍රාම නිලධාරී මහතාගේ සහාය ඇතිව ඒම ස්ථානයේදී මරණ පරීක්ෂණය සිදු කරමින් සාක්ෂි සටහන් කර ගත්තේය.
සාක්ෂි දුන් මිය ගිය අයගේ බිරිඳ රාජපක්ෂගේ අහිංසා සඳමාලි මෙසේ පැවසුවාය. ‘2020 අපි කසාද බැඳ ඉෂාන්ගේ මහ ගෙදර වන අංගොඩ පදිංචි වුණා. බීල තාත්ත රණ්ඩු කරනවා. ඒ නිසා අපි ආපසු මගේ ගමට ආව. ඉෂාන් ඒ කාලෙ සැලුන් ඒකක වැඩ කළා. මෙහාට ආවට පස්සෙ අම්මා ඉෂාන්ට සැලුන් ඒකක් දාල දුන්නා. ඒ අතරෙ තමයි ඉෂාන් ගංජා බිස්නස් කරන්න පටන් ගත්තෙ. ඒව අහුවෙලා ඒයා හිරේ ගියා. ගිය මාසෙ හිරෙන් ඇවිත් හිටියෙ. පෙරේදා යාළුවෙකුගේ ගෙදර යනවා කියල ගියා. ඊයෙ 2.00ට විතර ඒනකොට ඇඳන් හිටිය ටී ෂර්ට් ඒක කනපිට ඇඳල තිබුණේ.ඇස් දෙක හොඳටම රතු වෙලා හිටියෙ. එයා මට කිව්ව අයිස් ගහනවා කියල. එදත් බිව්ව කිව්වා.”
මිය ගිය අයගේ නැන්දා වන ගඟබඩ ලියනගේ හර්ෂනී මෙසේ පැවසුවාය. ‘අපේ ගෙවල් දෙක එක ළඟ තියෙන්නෙ. ඉෂානුත් දුවත් රෑට අපේ ගෙදර තියාගන්නවා. මට බයක් තිබුණා ඉෂාන් නැවත ගංජා විකුණන්න පටන් ගනියි කියල. ඊයේ දුවට කතා කළා ගෙදර යන්න.
ඊයෙ දවසෙ ඔහුගේ හැසිරීම අමුතු නිසා යන්න ඒපා කිව්වා. රෑ ඒකට විතර ඉෂාන් ගෙදර ගියා. උදේ ලයිට් දාල නිසා මම බලන්න ගියා. පයින් ගහල දොර අරින කොට එය එල්ලිලා ඉන්නවා දැක්කා.‘කිතුල්ගල පොලිසියේ ස්ථානාධිපති ප්‍රධාන පොලිස් පරීක්ෂක අනුර පක්ෂ මහතාගේ දැනුම් දීම මත සීතාවක කොට්ඨාසයේ විශේෂ අපරාධ විමර්ශන ඒකකයේ නිලධාරීන්ද සිද්ධිය වූ ස්ථානයට පැමිණ පරීක්ෂණ සිදු කළේය. පශ්චාත් මරණ පරීක්ෂණය සඳහා මෘත ශරීරය අවිස්සාවේල්ල මූලික රෝහලේ අධිකරණ වෛද්‍යවරයා වෙත යොමුකර තිබේ.
(යටියන්තොට - සමන් එස්. රත්නායක)
0 Comments