සිය මිතුරාගේ බිරිඳ බස් නැවතුමේ සිට නිවසට රැගෙන යෑමට ත්‍රිරෝද රථයකින් පැමිණ ත්‍රිරෝද රථය තුළදී ඇය අපයෝජනය කළ බව කියන තැනැත්තෙකු පයාගල පොලීසිය විසින් අත්අඩංගුවට ගනු ලැබ තිබේ. පයාගල ,හල්කඳවිල සිංහගම පදිංචිකරුවෙකු මෙසේ අත්අඩංගුවට පත්ව ඇත.එම ප්‍රදේශයේම පදිංචි 22 හැවිරිදි කාන්තාවක විසින් කරන ලද පැමිණිල්ලකට අනුව කරණවෑමියෙකු වන සැකකරු පොලිස් භාරයට ගනු ලැබ තිබේ.
තමන් සේවය නිමවා නිවසට යමින් සිටියදී ත්‍රිරෝද රථයකින් පැමිණි සැකකරු තමන්ට එයට ගොඩවන බව පැවසූ බවත්, අනතුරුව කෙටි මගකින් නිවසට කැඳවාගෙන යන බව පවසා අපයෝජනය කළ බවත් අදාළ පැමිණිල්ලේ සඳහන් වන බවද පොලීසිය සඳහන් කරයි.තම පියා මිය ගොස් ඇති බවත් ,මව මානසික රෝගයකින් පෙළෙන බවත් ,ස්වාමි පුරුෂයා නිතර ආරාවුල් ඇති කර ගන්නා බැවින් ඔහුට එරෙහිව පොලීසියට කීප අවස්ථාවකදී පැමිණිලි කොට ඇති බවත් ඇය පොලීසියට කර තිබූ පැමිණිල්ලේ සඳහන් වේ.
තමාට යන එන තැනක් නැති නිසා විදේශ රැකියාවකට යෑමට එසේ කාන්තාවන් විදෙස් රැකියාවලට යවන කාන්තාවක් හමුවීමට කොළඹ ගොස් එද්දී රෑ බෝවූ නිසා මග්ගොන සිට ත්‍රිරෝද රථයෙන් නිවසට යෑමට මොහු ගෙන්වා ගත් බවත් ඇය පොලීසියට කර තිබූ පැමිණිල්ලේ වැඩිදුරටත් සඳහන් වේ.
( සුනිල් එස් තන්ත්‍රිආරච්චි)
0 Comments