2023 අධ්‍යයන පොදු සහතික පත්‍ර සාමාන්‍ය පෙළ විභාගයේ ප්‍රතිඵල අනුව පළමු දසදෙනා අතර සිටින්ගේ එක් සිසුවෙකු පමණි. අනෙක් නවදෙනාම සිසුවියන් වීම විශේෂත්වයකි.
මෙලෙස 10 දෙනා අතර සිටින එකම සිසුවා වන්නට වරම් ලැබුවේ මාතර රාහුල විද්‍යාලයේ ඉගෙනුම ලබන සකුණ සදීශාන් සමරවික්‍රම සිසුවාය.
සකුණ පාසලේ ශිෂ්‍ය නායකයෙකු ලෙසත්, කැඩෙට් කණ්ඩායමේ හා බාලදක්ෂ කණ්ඩායමේ නිත්‍ය සාමාජිකයෙකු ලෙසත් කටයුතු කරන අතර විද්‍යාලයේ වෙස් නැටුම් කණ්ඩායමේ ද නිත්‍ය සාමාජිකයෙකුව සිටි.
විද්‍යාලයේ බාහිර ක්‍රියාකාරකම් සහ විෂය සමගාමී ක්‍රියාකාරකම් බොහෝමයකට සම්බන්ධව සිට ඇති සකුණ පාඩම් වැඩ මෙන්ම පොතපත කියැවීමට ද මහත් කැමැත්තක් දක්වන ලදි. මිහිර, විදුසර සහ විජය පුවත්පත් කියැවීමෙන් සකුණ දැනුම එක්කරගෙන තිබේ.
මෙතරම් ක්‍රියාශීලි ශිෂ්‍යෙයකු වුවත් සාමාන්‍ය පෙළ විභාගය ආරම්භ වීමට දින කිහිපයක් තිබියදී සකුණ මුහුණ දුන් විශාලම අභියෝගය වූයේ ඩෙංගු රෝගය වැලඳී මාතර මහ රෝහලේ නේවාසිකව ප්‍රතිකාර ලැබීමට සිදුවීමය.
කෙසේ වෙතත් අධිෂ්ඨානශීලීව කටයුතු කළ සකුණ වෛද්‍යවරුන්ගේ උපදෙස් මත විභාගයට පෙර දිනයේ නිවසට පැමිණ විභාගයට මුහුණදීමට කටයුතු කර තිබුණි.
එවැනි අභියෝග මධ්‍යයේ පළමු 10 දෙනා අතරට ඒමට සකුණට හැකි වූයේ ඔහුගේ උනන්දුව සහ දැඩි කැපවීම ම නොවේද?.
පියා මාතර රාහුල විද්‍යාලයේ හිටපු විදුහල්පතිවරයා මෙන්ම වර්තමානයේ වලස්මුල්ල කලාප අධ්‍යාපන අධ්‍යක්ෂවරයා ද වන සුදත් සමරවික්‍රම මහතාය. මව වූ සුරංජි රණසිංහ මහත්මිය පෙර පාසල් ගුරුවරියක් මෙන්ම ඉංග්‍රීසි උපකාරක පන්ති ගුරුවරියක් ලෙස ද කටයුතු කරයි. එකම මල්ලී වන ඉසිර සදීශාන් ශිෂ්‍යත්ව විභාගයෙන් සමත්ව මාතර රාහුල විද්‍යාලයේ 8 ශ්‍රේණියේ ඉගෙනුම ලබයි.
සකුණ මේ වනවිට වෛද්‍යවරයෙකු වීමේ සිහිනය සැබෑකර ගැනීමට අවශ්‍ය මූලික අඩිතාලම දමමින් සිටි.වෛද්‍යවරයෙකු වීමේ සිය අරමුණ කරා යාමට මේ වන විටත් ජීවවිද්‍යා අංශයෙන් උසස්පෙළ හදාරමින් සිටීයි.
0 Comments