සමරිසි විවාහ අනුමත කළ ප්‍රථම අග්නිදිග ආසියානු රට බවට තායිලන්තය පත්වේ

තායිලන්තයේ රජු විවාහ සමානාත්මතා පනත් කෙටුම්පතකට අත්සන් තබා ඇති අතර, එමගින් සම ලිංගික විවාහ පිළිගන්නා අග්නිදිග ආසියාවේ පළමු රට බවට පත්ව ඇත.
මෙම පනත් කෙටුම්පත ජූනි මාසයේදී සෙනෙට් සභාවෙන් සම්මත වූ නමුත් නීතියක් බවට පත්වීමට රාජකීය අනුමැතිය අවශ්‍ය විය. එය අඟහරුවාදා රාජකීය ගැසට් පත්‍රයේ පළ කරන ලද අතර ලබන වසරේ ජනවාරි 22 වන දින සිට ක්‍රියාත්මක වේ.

ක්‍රියාකාරීන් මෙය ඓතිහාසික පියවරක් ලෙස අගය කළ අතර - එය විවාහ සමානාත්මතාව සඳහා වසර ගණනාවක් තිස්සේ කරන ලද ව්‍යාපාරයක සමාප්තිය සනිටුහන් කරයි.

සමරිසි විවාහ සම්බන්ධයෙන් අග්නිදිග ආසියාවේ පවතින්නේ හෙළාදකින ආකල්පයකි. මෙවැනි පරිසරයක් තුළ
තායිලන්තය LGBTQ+ ප්‍රජාව සඳහා මෙම අවස්ථාව සැලසීම ආන්දෝලනාත්මක පුවතක් බවට පත්ව තිබේ.
නව නීතිය අනුව "ස්වාමිපුරුෂයින්", "බිරියන්", "පිරිමි" සහ "කාන්තාවන්" යන වචන වෙනුවට ස්ත්‍රී පුරුෂ භාවයෙන් තොර වචන භාවිතා කරයි. එමෙන්ම එය සමලිංගික යුවලවලට දරුකම් ගැනීමේ සහ උරුම අයිතිවාසිකම් ලබා දෙයි.
"අද අපි විවාහ සහතිකවල අපේ නම් ලියන්නේ පමණක් නොවෙයි, අපි ඉතිහාසයේ පිටුවකුත් ලියනවා.

ඒ අපි කවුරුන් ලෙස උපන්නේද යන්න ගැන ආදරය කිසි විටෙකත් කොන්දේසියක් නොතැබූ බව අපට කියා දෙනවා," බැංකොක් සමරිසි ව්‍යාපාරයේ සම නිර්මාතෘවරියක වන දීර්ඝකාලීන LGBTQ+ ක්‍රියාකාරිනියක වන ඈන් චුමපෝන් පැවසුවාය.
ආසියාවේ අනෙක් රටවල් සැලකීමේදී  තායිවානය සහ නේපාලයේ මෙම නීති සම්මත කර ඇති අතර ඊට පසුව ආසියාවේ සමලිංගික යුවල විවාහ විය හැකි තෙවන ස්ථානය බවට තායිලන්තය පත්වනු ඇත.