ජනාධිපතිවරණයෙන් පසු විදෙස්ගත වීම සඳහා ඇමතිවරු සූදානමින් සිටින බවට පැතිර ඇති කතාව ගැන
මහනුවර ශ්‍රී දළදා මාලිගාවට 11 වැනි දින පැමිණි අමාත්‍ය ටිරාන් අලස් ආගමික වතාවත්වලින් පසු මාධ්‍ය හමුවේ
මෙසේකීය. “ජනාධිපතිවරණයෙන් පසු විදේශගත වීම සඳහා රජයට සම්බන්ධ මැති ඇමැතිවරු 80 දෙනෙක්
මේ වන විට වීසා ලබාගෙන ඇති බවට විපක්ෂයේ මන්ත්‍රිවරයෙක් සඳහන් කළත් මම හිතන විදිහට ඒක ඉතාමත්ම අසත්‍ය ප්‍රකාශයක්. මැතිවරණ කාලයට එක එක අය එක එක කතා කියනවා. යම් ඇමැතිවරු වීසා ගත්තද කියන්න මම දන්නේ නෑ. නමුත් මම එහෙම වීසා අරගෙන නෑ. මට එහෙම අවශ්‍යතාවක් නෑ.
ලොව ඕනෑම රටක වසර 10ක කාලයක් ජීවත් වීම සඳහා විශේෂ වීසා බලපත්‍රයක් මා සතුව පවතිනවා.
කාටවත් එහෙම රටින් පනින්න අවශ්‍යතාවක් වෙන්නේ නෑ. ඉදිරි මැතිවරණයේදී වත්මන් ජනාධිපති රනිල් වික්‍රමසිංහ මහතා අනිවාර්යයෙන්ම ජය ගන්නවා. ඒ ගැන සැකයක් නෑ. අපි ආණ්ඩුවේ ඇමැතිවරු නම් ආණ්ඩුවේ ප්‍රධානියාට සහාය දැක්වීම අත්‍යවශ්‍ය කාරණයක්. මේ රට දැන් යම් තරමින් හෝ ගොඩනැඟිලා තිබෙනවා. රට සම්පූර්ණයෙන් ගොඩනැඟීම සඳහා වත්මන් ජනාධිපතිතුමාට තවත් කාලය ලබාදිය යුතුයි. මේක අත්හදාබැලීම් කරන්න කාලයක් නෙවෙයි. හදවතින් නොව මොළයෙන් හිතා කටයුතු කළ යුතුයි.
0 Comments