ශ්‍රී ලංකාවේ දැනට පවතින විදේශ ගමන් බලපත්‍ර අර්බුදය ඔක්තෝබර් 15-20 වන විට විසඳීමට උත්සාහ දරන බව අලුතින් පත් වූ මහජන ආරක්ෂක අමාත්‍ය විජිත හේරත් පැවසීය.
සැප්තැම්බර් 24 අඟහරුවාදා වැඩ භාර ගැනීමෙන් පසු අමාත්‍යාංශ නිලධාරීන් සහ මාධ්‍ය වෙත අදහස් දක්වමින් හේරත් කියා සිටියේ නව විදේශ ගමන් බලපත්‍ර සඳහා පෝලිම් රටේ විශාලතම ප්‍රශ්නවලින් එකක් වී ඇති බවයි.
“එය ඉක්මනින් විසඳීමට අපි උපරිම උත්සාහයක් දරනවා. අපි දැනටමත් අධ්‍යක්ෂවරයා සමඟ මේ පිළිබඳව සාකච්ඡා කරා. ඔක්තෝබර් 15-20 වන විට පෝලිම අවසන් කර නව විදේශ ගමන් බලපත්‍ර නිකුත් කළ හැකි බව ඔහු විශ්වාස කරනවා. ඒ වෙනකොට කොහොම හරි ඒක කරන්න අපි බලාපොරොත්තු වෙනවා.
දැනට පවතින පෝලිම් තත්ත්වයට විකල්ප යෝජනා කරන ලෙසත් අපි ඔහුට උපදෙස් දී තිබෙනවා. ඔහුගේ පැත්තෙන් යම් යම් උත්සාහයන් සිදුවෙමින් පවතිනවා. කෙටි කාලීනව අපි විකල්ප විසඳුමකට යන්න උත්සාහ කරනවා,” ඔහු පැවසීය.
තීරණාත්මක ජනාධිපතිවරණයකට සති කිහිපයකට පෙර අගෝස්තු මාසයේදී, ප්‍රමාණවත් විදේශ ගමන් බලපත්‍ර සංඛ්‍යාවක් සැපයීමට රජය අසමත් වීම, නිසා දිගු පෝලිමක් ඇතිවීමට හේතු විය.
සීමිත හිස් ගමන් බලපත්‍ර සංඛ්‍යාව සැලකිල්ලට ගෙන නව විද්‍යුත් ගමන් බලපත්‍ර නිකුත් කිරීම සඳහා ටෙන්ඩරය ලබා දී ඇති විදේශීය සමාගමෙන් හිස් ගමන් බලපත්‍ර ඒකක 50,000 ලබා දීමට සැලසුම් කර ඇති බව ආගමන හා විගමන දෙපාර්තමේන්තුව පවසයි.
"විදේශ ගමන් බලපත්‍ර දෙකම ඔක්තෝම්බර් අග හෝ පසුව දිවයිනේ ලබා ගත හැකි වනු ඇතැයි අපේක්ෂා කෙරේ."
එමෙන්ම පසුගිය වසරේ නිකුත් කළ මුළු විදේශ ගමන් බලපත්‍ර සංඛ්‍යාවෙන් නව විදේශ ගමන් බලපත්‍රලාභීන්ගෙන් සියයට 23ක් පමණක් විදේශගත වී ඇති බවත් විදේශ ගමන් සඳහා අත්‍යවශ්‍ය නම් පමණක් විදේශ ගමන් බලපත්‍රය ලබා ගන්නා ලෙස ද දෙපාර්තමේන්තුව ජනතාවගෙන් ඉල්ලා තිබේ.
0 Comments