ඉන්දියාවේ මුම්බායි නුවර සිට කොළඹ බලා පැමිණි 'විස්තාරා' ගුවන් යානයක් ගොඩබෑමට මිනිත්තු දහයකට පෙර බෝම්බ බියක් හේතුවෙන් බණ්ඩාරනායක ජාත්‍යන්තර ගුවන්තොටුපලේ (BIA) හදිසි තත්ත්වයක් ප්‍රකාශයට පත් කරන ලදී.
ගුවන් යානය ගොඩබෑමට ආසන්න වන විට කපිතාන්වරයාට නිශ්චිත නොවන ඇමතුමක් ලැබුණු බව වාර්තා වේ. ගුවන් තොටුපළ සහ ගුවන් සේවා බලධාරීන් ප්‍රොටෝකෝල අනුව වහාම අදාළ බලධාරීන් දැනුවත් කරන ලදී.
ගුවන් යානයේ සිටි මගීන් 96 දෙනා සහ කාර්ය මණ්ඩල සාමාජිකයින් අට දෙනා නිරුපද්‍රිතව ගොඩබස්වන ලදී. ආරක්ෂක හේතූන් මත යානය වහාම සෝදිසි කිරීම සඳහා ෙවන් කළ බවද වාර්තා විය.
ගුවන්තොටුපල කාර්යභාර නිලධාරියෙකු පැවසූ පරිදි, සියලුම මගීන් සහ කාර්ය මණ්ඩලය ආරක්ෂිතව ගුවන් තොටුපල පිටවීමේ පර්යන්ත වෙත යොමු කර බෝම්බ අනතුරු ඇඟවීම සම්බන්ධයෙන් ආරක්ෂක අංශ විසින් සෝදිසි විමර්ශන සිදුකළේය.
කෙසේ වෙතත්, සිදු කළ පුළුල් පරීක්ෂණයකින් අනතුරුව ගුවන් තොටුපළ හා ගුවන් සේවා සමාගම ප්‍රකාශ කළේ බෝම්බ බිය සම්බන්ධයෙන් කිසිදු සැබෑ තර්ජනයක් නොමැති බවයි. ඒ අනුව සියලු මගීන්ගේ සහ කාර්ය මණ්ඩලයේ ආරක්ෂාව තහවුරු කර ඇති බව ඔවුහු තවදුරටත් සඳහන් කළහ.
මෙම සිදුවීම ශ්‍රී ලංකාවේ ගුවන් ගමන් ආරක්ෂාව පිළිබඳ අවධානය යොමු කර ඇති අතර, අනාගතයේදී මෙවැනි තත්ත්වයන් වළක්වා ගැනීම සඳහා ආරක්ෂක පියවර තවදුරටත් ශක්තිමත් කිරීමට බලධාරීන් කටයුතු කරනු ඇත.
0 Comments