ඔක්තෝබර් 12 වන දින ඉන්දියාවේ මුම්බායි නුවරදී දේශපාලනඥ බාබා සිද්දිකී වෙඩිතබා ඝාතනය කර තිබූ අතර මෙම ගාතනය සල්මන් කාන් ඝාතනය කරන්නට උත්සාහ දරමින් සිටින සතුරු කල්ලියේ තර්ජනාත්මක පණිවිඩයක් ලෙස අර්ථ ගන්වා තිබේ.
ලෝරන්ස් බිෂ්නොයි කල්ලියේ සාමාජිකයෙකු බව කියන පුද්ගලයෙකු ප්‍රකාශ කර සිටියේ මෙම ඝාතනය සිදු කරන ලද්දේ ඔවුන් බවත් ඔවුන් එසේ කළේ දේශපාලනඥයාගේ සල්මාන් ඛාන් සමඟ තිබූ සම්බන්ධතාවය හේතුවෙන් බවත්ය.
අප්‍රේල් මාසයේදී, එම කල්ලියේ සාමාජිකයින් යැයි කියන පිරිසක් මුම්බායි නුවර සල්මාන්ගේ නිවස ඉදිරිපිට වෙඩි තැබූහ. මීට පෙර අවස්ථා කිහිපයකදී මෙම කල්ලියේ සාමාජිකයින් නළුවාට තර්ජනය කර තිබුණි. සිද්දිකීගේ ඝාතනයෙන් පසු,
සල්මාන් ඛාන්ගේ සහෝදරයා වන අර්බාස් පැවසුවේ පවුල සල්මාන් ආරක්ෂා කිරීමට සෑම පියවරක්ම ගනිමින් සිටින බවත්, මෑත කාලීන උග්‍ර වීම් හමුවේ සල්මාන්ට ඉහළ මට්ටමේ ආරක්ෂාවක් ලබා දී ඇති බවත්ය.
සල්මාන් ඛාන් සහ බාබා සිද්දිකී අතර තිබුණේ සමීප මිත්‍රත්වයකි. නළුවා ඇතුළු චිත්‍රපට කර්මාන්තයේ බොහෝ සාමාජිකයින් සිද්දිකීගේ වාර්ෂික ඉෆ්තාර් උත්සවවලටද සහභාගී වූහ. වසර කිහිපයකට පෙර සල්මාන් සහ ෂාරුක් ඛාන් අතර පැවති දීර්ඝකාලීන ගැටුම නිමා කිරීමේදී බාබා සිද්දිකී ප්‍රධාන කාර්යභාරයක් ඉටු කළේය. දේශපාලනඥයා ඔවුන් දෙදෙනාම තම ඉෆ්තාර් උත්සවයට ආරාධනා කර ඔවුන්ගේ ගැටුම නිරාකරණය කර ගැනීමට දිරිගැන්වීය.
සල්මාන් ඛාන්ගේ සහෝදරයා වන අර්බාස් ඛාන් දේශපාලනඥ බාබා සිද්දිකීගේ මරණය පිළිබඳව අදහස් දක්වමින් මෙසේ කියා තිබුණි.
"සිද්දිකී ඛාන් පවුලේ සමීප මිතුරෙක් එසේම කර්මාන්තයේ සාමාජිකයින් විසින් ඔහු අතිශයින් ආදරය කරනු ලැබූවා.
ඔහුගේ අභාවය ගැන අපි දැඩි සේ කනගාටු වෙනවා. අප සියලු දෙනාම පීඩාවට පත්ව සිටිනවා. එය ඉතා අවාසනාවන්ත තත්ත්වයක්. අපි සියලු දෙනාම මෙයින් ගොඩ ඒමට උත්සාහ කරමින් සිටිනවා."
0 Comments