ඉදිරියේ දී පැවැත්වීමට නියමිත පාර්ලිමේන්තු මහමැතිවරණය සඳහා තමන් ඉදිරිපත් නොවන බව හිටපු ප්‍රවාහන, මහා මාර්ග සහ ජනමාධ්‍ය කැබිනට් ඇමැති ආචාර්ය බන්දුල ගුණවර්ධන මහතා ඊයේ (04) දින පැවසීය. තමන් වසර විස්සකට වැඩි කාලයක් හෝමාගම මැතිවරණ කොට්ඨාසය නියෝජනය කරමින් පාර්ලිමේන්තුවට පැමිණ පාර්ලිමේන්තු මන්ත්‍රීවරයකු නියෝජ්‍ය ඇමැතිවරයකු,
කැබිනට් ඇමැති තනතුරු ගණනාවක් දරමින් කළ හැකි උපරිමයෙන් ජනතාව වෙනුවෙන් සේවය කළ බවත් ඒ මහතා පැවසීය.
පාර්ලිමේන්තුව නියෝජනය සඳහා මහජන නියෝජිතයකු නොමැතිව වසර ගණනාවක් අසරණව සිටි හෝමාගම මැතිවරණ කොට්ඨාසයේ ජනතාව වෙනුවෙන් එම නගරය දැනුමේ කේන්ද්‍රස්ථානයක් හෙවත් ප්‍රඥා බන්දු පුරවරයක් බවට පත්කරලීම සඳහා කළ හැකි සියල්ල සිදු කළ බවත් ඒ පිළිබඳව තමන් සතුටු වන බවත් පැවසීය. ඉදිරි වසර කිහිපයේ දී තවත් ආචාර්ය උපාධියක් සඳහා ඉගෙනුම සඳහාත් චිත්‍රපටයක් නිර්මාණය කිරීමටත් අදහස් කරමින් සිටින බව ද ඒ මහතා වැඩිදුරටත් පැවසීය.
(මීගොඩ - බී.කේ. කත්‍රිආරච්චි)
0 Comments