බිබිල සිට බදුල්ල බලා ධාවනය වෙමින් තිබූ පෞද්ගලික බස් රථයක ගමන් ගත් ඌව වෙල්ලස්ස විශ්වවිද්‍යාලයේ අධ්‍යාපනය ලබන සරසවි සිසුවියක් ඊයේ (22) ඌව වෙල්ලස්ස විශ්වවිද්‍යාලය ඉදිරිපිට දී බස් රථයෙන් ඇද වැටී බරපතළ තුවාල ලබා බදුල්ල ශික්ෂණ රෝහලට ඇතුළත් කළ බව බදුල්ල පොලිසිය පවසයි.
මෙසේ තුවාල ලබා රෝහල්ගත කර ඇත්තේ කොළඹ ප්‍රදේශයේ පදිංචි ඌව වෙල්ලස්ස විශ්වවිද්‍යාලයේ අධ්‍යාපනය හදාරන සරසවි සිසුවියක යැයි පොලිසිය පවසයි.
මෙම සිසුවිය බදුල්ල පස්සර පාර 3 කණුව ප්‍රදේශයේ නේවාසිකාගාරයක සිට ඌව වෙල්ලස්ස විශ්වවිද්‍යාලයට යාමට බිබිල සිට බදුල්ල බලා ධාවනය වූ පෞද්ගලික බස් රථයකට 3 කණුව ප්‍රදේශයේදී ගොඩවී ඇති අතර, ඇය ඌව වෙල්ලස්ස විශ්වවිද්‍යාලය ඉදිරිපිට දී බස්රථයෙන් බැසීමට යාමේදී පිටුපස දොරෙන් බිමට ඇද වැටී තුවාල ලබා ඇතැයි පොලිසිය සඳහන් කළේය.
මැයගේ පාදයකට බරපතළ ලෙස තුවාල සිදු වී ඇති බවත්, ඇය සැත්කමකට භාජනය කිරීමට නියමිත යැයි රෝහල් ප්‍රකාශයකු පැවැසීය.
බදුල්ල පොලිසිය වැඩිදුර පරීක්ෂණ පවත්වති.
(සී .ගමගේ - සොරණාතොට)
0 Comments