ඇමරිකාවේ මීළඟ ජනපතිවරණයට තව ඇත්තේ දින කිහිපයක් පමණකි.එහි ප්‍රධාන අපේක්ෂිකාවක වන්නේ ජෝ බයිඩන්ගේ පක්ෂයෙන් තරග වදින කමලා හැරිස්ය. ඇය ඉන්දීය සම්භවයකින් පැවත එන කාන්තාවක වීම නිසා වෙන කවරදාටවත් වඩා ඇමරිකානු ඉන්දීය ප්‍රජාව මේ කාලයේ සක්‍රීයව කටයුතු කරන බව විදෙස් මාධ්‍ය වාර්තා කර තිබේ.
නිව්යෝර්ක් නුවර දීපාවලි උත්සවයේ දීප්තිමත් ආලෝකය දේශපාලන බලය සඳහා වූ වේදිකාවක් සකසා ඇති බවත්
තාක්ෂණිකදැවැන්තයින් සහ බොලිවුඩ් තරු ඇතුළු සිය ගණනක් ඉන්දියානු-ඇමරිකානුවන් තම උරුමය සැමරීමට සහ ඇමරිකා එක්සත් ජනපදයේ ජනපති වාසය කරන ධවල මන්දිරයට එක්රැස්ව ඇති බවත් වාර්තා කර තිබේ.
වොෂිංටන් ධවල මන්දිරය දීපාවලිය වෙනුවෙන් ආලෝකමත් කෙරිණි. තම දේශපාලන දිවියේ 50 වසරක කාලය අවසන් වෙමින් සිටින ජනාධිපති ජෝ බයිඩන්,
නීල කාමරයේදී දීප පහනක් දැල්වීමෙන් අනතුරුව පිළිගැනීමේ උත්සවය සඳහා ආරාධනා කරන ලද ඉන්දියානු-ඇමරිකානුවන් ඉදිරියේ කතාවක් පැවැත්වීය.
"ජනාධිපතිවරයා වශයෙන් මම ධවප මන්දිරයේ විශාලතම දීපාවලි උත්සවය සත්කාරකත්වය දැරීමට ලැබීම ගෞරවයක් ලෙස සලකමි. අපි එකට එක්ව ආලෝකයේ බලය පෙන්වමු - දැනුමේ ආලෝකය, සමගියේ හා සත්‍යයේ ආලෝකය, නිදහසේ හා ප්‍රජාතන්ත්‍රවාදයේ ආලෝකය, අපි බෙදා ගන්නා සහ අගය කරන ඇමරිකාව වෙනුවෙන් සිදුකරමු. " යැයි ඔහු පැවසීය.
මෙය තම අවසන් දීපාවලි පිළිගැනීමේ උත්සවය බව දන්නා ජනාධිපති ජෝ බයිඩන්, කමලා හැරිස් වෙනුවෙන් කතා කිරීමේ කිසිදු අවස්ථාවක් අත නොහැරීය.
"මම කමලා මාගේ උප ජනාධිපති අපේක්ෂිකාව ලෙස තෝරා ගත්තේ බොහෝ හේතු නිසායි. ඇය බුද්ධිමත්, ඇය දැඩිය, නමුත් වඩාත්ම වැදගත් වන්නේ, මම මගේ හදවතේ ගැඹුරුම තැනින් අවංකවම මෙය කියන්නේ, ඇයට වටිනා චරිතයක් තිබීමයි," යැයි ඔහු පැවසීය.
එක්සත් ජනපදයේ දෙවන විශාලතම සංක්‍රමණික කණ්ඩායම වන ඉන්දියානු-ඇමරිකානුවන් මෙම වසරේ මැතිවරණයේදී තීරණාත්මක බලවේගයක් වනු ඇත. සමීක්ෂණයකට අනුව, ඩොනල්ඩ් ට්‍රම්ප්ට සහය දක්වන 31%ක් සමඟ සංසන්දනය කිරීමේදී ඉන්දියානු-ඇමරිකානුවන්ගෙන් අවම වශයෙන් 61%ක් හැරිස්ට පක්ෂපාතී වේ.
කෙසේ වෙතත්, කමලා හැරිස් පමණක් නොව, ප්‍රමුඛ රිපබ්ලිකානුවන් වන නිකී හේලි, විවෙක් රාමස්වාමි සහ ට්‍රම්ප්ගේ හවුල්කරුගේ බිරිඳ උෂා වැන්ස් ද ප්‍රමුඛ පෙළේ අය වෙති.
){kind=link}
0 Comments