ගම්පහ රෝහලේ විශේෂඥ වෛද්‍යවරියකට දුරකතන ඇමතුමකින් තර්ජනය කර සාපරාධී බිය ගැන්වීමක් සිදු කළැයි කියන සිද්ධිය සම්බන්ධයෙන් වහාම විමර්ශනයක් කරන ලෙස කොළඹ ප්‍රධාන මහේස්ත්‍රාත් තිළිණ ගමගේ මහතා ඊයේ (14) කුරුඳුවත්ත පොලිසියට නියෝග කළේය.
කොළඹ ප්‍රදේශයේ පදිංචි ගම්පහ රෝහලේ විශේෂඥ වෛද්‍යවරියක් විසින් ඉකුත් 17 වැනි දින කුරුඳුවත්ත පොලිසියට කරන ලද පැමිණිල්ලක් සලකා බැලීමෙන් පසු අධිකරණය විසින් මේ නියෝගය කරන ලදි.
පැමිණිලිකාරිය ගම්පහ රෝහලේ විශේෂඥ වෛද්‍යවරයෙක් ලෙස දැනට අවුරුදු තුනක සිට සේවය කරන බවත්,
ඇයගේ ස්වාමි පුරුෂයා විශ්‍රාමික උසස් පොලිස් නිලධාරියෙකු (DIG ) බවත්, ඔහු මේ වන විට මිය ගොස් ඇති බවත්, මොණරාගල ප්‍රදේශයේ පොලිස් නිලධාරියෙක් වන මාලක සහ ඔහුගේ පවුලේ පිරිස සමඟ තම ස්වාමියා මිය යෑමට පෙර හිතවත්ව සිටි බව පැමිණිලිකාරිය සඳහන් කර තිබූ බවත්, ඉකුත් 12 වැනි දින මාලකගේ බිරිය විසින් පැමිණිලිකාරිය වැරදි වැටහීමක් ඇති කරගෙන තමාට බැණ වැදුණු බවත්, නිතර නිතර දුරකතන ඇමතුම් ගෙන තර්ජනය කර ඇති බවත් කුරුඳුවත්ත පොලිසිය අධිකරණයට දැනුම් දුන්නේය.
ඉකුත් 14 වැනි දින පැමිණිලිකාරිය සේවය කරන රෝහලට ඇමතුමක් ගෙන තර්ජනාත්මකව බැණ වැදී ඇති බව ද කුරුඳුවත්ත පොලිසිය අධිකරණයට දැනුම් දුන්නේය.
ඒ අනුව ඉදිරිපත් වූ කරුණු සලකා බලා මේ සිද්ධියට අදාළව විමර්ශන කටයුතු කිරීමට මහේස්ත්‍රාත්වරයා නියෝග කරනු ලැබුවේය.
(කල්පනි අබේසිංහ)
0 Comments