ron-ely-death

හැටේ දශ­කයේ අග­භා­ග­යේදී අති­ශය ජන­ප්‍රි­ය­ත්ව­යට පත්වූ ‘ටාසන්’ රූප­වා­හිනී වෘතාන්ත කතා මාලා­වට පණ දුන් අමෙ­රි­කානු නළු රොන් එලී මෙලොව හැර ගොස් ඇතැයි විදෙස් මාධ්‍ය වාර්තා කළේය. 86 හැවි­රිදි වියෙහි පසුවූ තිදරු පියකු වන රොන් එලී කැලි­ෆෝ­නියා ප්‍රාන්තයේ සිය දිය­ණි­ය­කට අයත් නිවෙ­ස­කදී ජීවි­ත­යෙන් සමු­ගෙන ඇත්තේ පසු­ගිය සැප්තැ­ම්බර් මාසයේ 29 වැනිදා බවත්, ඔහුගේ දිය­ණිය පසු­ගි­යදා නිවේ­ද­නය කර­න­තුරු රොන් එලීගේ මර­ණය ප්‍රසි­ද්ධි­යට පත් නොවූ බවත් විදෙස් මාධ්‍ය වැඩි­දු­ර­ටත් වාර්තා කළේය.


මීට හේතු පැහැදිලි කර නැත.
ළමා ලෝකයේ පම­ණක් නොව තරුණ මහලු කාගෙත් ආද­රය දිනා­ගත් ලෝක ප්‍රකට ‘ටාසන්’ ප්‍රබන්ධ චරි­ත­යට පණ පෙවූ නළු­වන් අතු­රින් වඩාත්ම ජන­ප්‍රි­ය­ත්ව­යට පත්වූ නළුවා ලෙස සැල­කෙන අඩි 6කුත්, අඟල් 4ක් උසැති රොන් එලී ටාසන් චරි­ත­යට පණ පෙවී­මට පෙර හොලි­වුඩ් චිත්‍ර­පට රැස­කට රංග­න­යෙන් එක්වී සිටි අතර, ටාසන් රූප­වා­හිනි වෘතා­න්ත­යට එක්වී­මට පෙර එවැනි වෘතාන්ත 9කටම දාය­ක­ත්වය ලබා දී තිබිණි.

නළු­වකු ලෙස පම­ණක් නොව නව­ක­තා­ක­රු­වකු ලෙස ද නමක් දිනා සිටි රොන් එලී නව­කතා දෙකක් ද රචනා කර ඇතැයි වාර්තා වේ.
“මගේ පියා මිනිසුන් වීරයෙකු ලෙස හැඳින්වූ අයෙකි,”  “ඔහු නළුවෙක්, ලේඛකයෙක්, පුහුණුකරුවෙක්, උපදේශකයෙක්, පවුලේ කෙනෙක් සහ නායකයෙක්. ඔහු කොහේ ගියත් ධනාත්මක රැල්ලක් නිර්මාණය කළේය. ඔහු අන් අයට ඇති කළ බලපෑම මම වෙනත් කිසිම පුද්ගලයෙකු තුළ දැක නැති දෙයක් - ඔහු තුළ සැබවින්ම ඉන්ද්‍රජාලික දෙයක් තිබුණි."ඔහුගේ දියණිය කිර්ස්ටන් පැවසුවාය.

2019 ඔක්තෝබර් 15 වන දින, ඔහුගේ දෙවන බිරිඳ,  ෆ්ලොරිඩාවේ වැලෙරි ලුන්ඩීන් එලී, (62), ඔවුන්ගේ සැන්ටා බාබරා ප්‍රදේශයේ නිවස තුළදී, ඔවුන්ගේ පුත් කැමරන් (30) විසින් පිහියෙන් ඇන ඝාතනය කරන ලදී.


පසුව 30 හැවිරිදි මෙම පුද්ගලයා පොලිසිය විසින් වෙඩි තබා ඝාතනය කරනු ලැබිණි.ඇමරිකානු පාපන්දු තරුවක් වූ කැමරන් පිළිබඳ මරණ පරීක්ෂණයකින් හෙළි වූයේ ඔහු CTE හෙවත් නිදන්ගත කම්පන සහගත එන්සෙෆලෝපති,  පරිහානීය මොළයේ රෝගයේ මුල් අවධියේ සිටි බවයි.
මෙම සිදුවීමෙන් පසු රොන් එලී කාලයක් කණස්සල්ලෙන් පසුවිය.