ජ්‍යෙෂ්ඨ නියෝජ්‍ය පොලිස්පති (DIG) ධම්මික ප්‍රියන්ත කුමාර ඊයේ (5) දින රාජ්‍ය බුද්ධි සේවයේ (SIS) නව අධ්‍යක්ෂ ලෙස පත් කරන ලදී. ඔහු විශ්‍රාම ගිය මේජර් ජෙනරාල් සුරේෂ් සලේ වෙනුවට පත් කෙරිණි.
DIG කුමාර මීට පෙර මූල්‍ය අපරාධ විමර්ශන අංශයේ (FCID) අධ්‍යක්ෂ ලෙසත්, අපරාධ පරීක්ෂණ දෙපාර්තමේන්තුවේ (CID) නියෝජ්‍ය අධ්‍යක්ෂ ලෙසත් සේවය කර ඇත.
මේජර් ජනරාල් සලේ SIS හි අධ්‍යක්ෂ ලෙස පත් කරන ලද්දේ එවකට ජනාධිපති ගෝඨාභය රාජපක්ෂ විසිනි. ඔහු මීට පෙර යුද හමුදා බුද්ධි අධ්‍යක්ෂ මණ්ඩලයේ අධ්‍යක්ෂ ලෙස සේවය කර ඇත.
කෙසේ වෙතත්, පාස්කු ඉරිදා ත්‍රස්ත ප්‍රහාර සමඟ ඔහු සම්බන්ධ කරමින් එල්ල වූ චෝදනා හේතුවෙන් මෙම පරිණත හමුදා නිලධාරියාගේ SIS ප්‍රධානියා ලෙස පත්වීම විවාදාත්මක විය. මේජර් ජනරාල් සලේ එල්ලවූ චෝදනා ප්‍රතික්ෂේප කර ඇත.
0 Comments