වඩේ එකක් අනුභව කරමින් සිටියදී කැස්සක් ඇති වී හටගත් අසාත්මිකතාවක් හේතුවෙන් ප්‍රතිකාර සඳහා ඔරුවල දිසා රෝහලට ඇතුළත් කළ පුද්ගලයකු ජීවිතක්ෂයට පත්ව ඇතැයි අතුරුගිරිය පොලිසිය පවසයි.මෙසේ මියගොස් ඇත්තේ අතුරුගිරිය පදිංචි අනුර සම්පත් අමරසේකර නමැති පෞද්ගලික සමාගමක අධ්‍යක්ෂවරයකු බව පොලිසිය කියයි.
කැලණිය සරසවියේ කථිකාචාර්යවරියක වන සිය බිරිඳ හා වෛද්‍ය දියණිය ඇතුළු පවුලේ ඥාතීන් සමග ආහාර ගනිමින් සිටියදී සැහැල්ලු ආහාරයක් ගැනීමට බව පවසා වඩේ එකක් ආහාරයට ගනිද්දී එක් වරම කැස්සක් හටගෙන ඇත. පසුව එම කැස්ස නැවැත්වීම සඳහා විවිධ ප්‍රථමාධාර ලබා දුන්නද එය නොනැවතී ක්‍රමයෙන් අසාත්මිකතාවකට පත්ව ඇත.
පසුව ප්‍රතිකාර සඳහා ඔරුවල දිසා රෝහලට රැගෙන ගොස් ඇතත් එහිදී වෛද්‍යවරුන් පවසා ඇත්තේ ඔහු මියගොස් ඇති බවයි. පසුව තලංගම හදිසි මරණ පරීක්ෂිකා සාම විනිසුරු ප්‍රේමලතා අබේවර්ධන මහත්මිය
එම ස්ථානයට ගොස් ස්ථානීය පරීක්‍ෂණයක් සිදුකොට පශ්චාත් මරණ පරීක්ෂණය සඳහා දේහය හෝමාගම මූලික රෝහලට රැගෙන යන ලෙසට පොලිසියට නියෝග කළාය.ඒ අනුව මෘත දේහය පිළිබඳ පශ්චාත් මරණ පරීක්ෂණය හෝමාගම මූලික රෝහලේදී (21) දා සිදුකිරීමට නියමිතව තිබුණි.සිද්ධිය සම්බන්ධයෙන් අතුරුගිරිය පොලිසියේ පො.කො (99433) ගුණරත්න මහතා පරීක්‍ෂණ පවත්වයි.
ශාන්ත ප්‍රදීප් කුමාර කුලරත්න
0 Comments