ආරක්ෂක ලේකම්, එයාර් වයිස් මාර්ෂල් (විශ්‍රාමික) තුයකොන්ත මහතා අරුගම්බේ ප්‍රදේශයේ ආරක්ෂක තත්ත්වය ඇගයීම සඳහා අද දින (නොවැම්බර් 10) නැගෙනහිර පළාතට ගියේය.
සංචාරය අතරතුර, ප්‍රදේශයේ වත්මන් ආරක්ෂක තත්ත්වය සහ කලාපයේ ආරක්ෂාව සහතික කිරීම සඳහා ගෙන යන ක්‍රියාමාර්ග පිළිබඳව ජ්‍යෙෂ්ඨ හමුදා සහ පොලිස් නිලධාරීන් විසින් ඔහු දැනුවත් කරන ලදී.
දැනුවත් කිරීමෙන් අනතුරුව, ආරක්ෂක ලේකම්වරයා අරුගම්බේ සහ ශ්‍රී ලංකාවේ සංචාරක ගමනාන්තයන් පුරා ආරක්ෂාව පවත්වාගෙන යාම සම්බන්ධයෙන් ප්‍රාදේශීය බලධාරීන්ට විශේෂිත උපදෙස් ලබා දුන්නේය.
ජාතියේ ආරක්ෂක ප්‍රයත්නයන් කෙරෙහි විශ්වාසය තහවුරු කරමින් සංචාරකයින්ගේ නිදහස ආරක්ෂා කිරීමේ වැදගත්කම ඔහු අවධාරණය කළේය.
ආරක්ෂක ලේකම්වරයා සමඟ ආරක්ෂක අමාත්‍යාංශයේ ජ්‍යෙෂ්ඨ නිලධාරීන්, ජ්‍යෙෂ්ඨ හමුදා නිලධාරීන්, විශේෂ කාර්ය බලකායේ සාමාජිකයින් සහ පොලිස් නිලධාරීන් සහභාගී වූහ.
0 Comments