ප්‍රධාන පෙළේ මත්ද්‍රව්‍ය ජාවාරම්කරුවෙකු සහ සංවිධානාත්මක අපරාධකරුවකු වන උණාකූරුවේ ශාන්ත නමැත්තාට අයත් රුපියල් කෝටි 150ක් වටිනා අයිස් මත්ද්‍රව්‍ය කිලෝ 40 කට අධික ප්‍රමාණයක් හා හෙරොයින් මත්කුඩු කිලෝ 30 කට අධික ප්‍රමාණයක් පොල් ගෙඩි පැටවූ ලොරියක් තුළ සූක්ෂ්ම ලෙස සඟවා තිබියදී ඊයේ (26දා) සොයා ගත් බව පොලිස් විශේෂ කාර්ය බළකාය කියයි.
මත්කුඩු සමග සිද්ධියට සම්බන්ධ මස්සිනාලා දෙදෙනෙක්ද පොලීසිය මගින් අත්අඩංගුවට ගෙන තිබේ. පොලිස් විශේෂ කාර්ය බළකා බුද්ධි අංශ විශේෂ මෙහෙයුම් තුන මොරටුව කණ්ඩායමට ලද තොරතුරකට හෝමාගම ගොඩගම වටරැක ප්‍රදේශයේ නිවසක් ඉදිරිපිට නතර කර තිබූ ආවරණය කරන ලද ලුණු රථයක් පරික්ෂා කිර්මේදී ඉතා සූක්ෂ්ම ලෙස මෙම මත්ද්‍රව්‍ය තොගය සඟවා තිබූ බව පොලීසිය කියයි. 37 හැවිරිදි නිවෙස් හිමිකරු අත්අඩංගුවට ගෙන සිදු කරන ලද ප්‍රශ්න කිරීමේදී මීට මාසයකට පමණ ඉහතදී උණාකූරුවේ ශාන්ත නැමැත්තාගේ උපදෙස් මත බොරැල්ලේ පදිංචි තම මස්සිනා විසින් මත්ද්‍රව්‍ය අඩංගු ලොරිය මෙම නිවස වෙත රැගෙන ආ බවට අනාවරණය කළැයි බව පොලීසිය කියයි.අත්අඩංගුවට ගත් සැකකරුවන් දෙදෙනා වයස අවුරුදු 37 හා 41 අතර පසුවන තලවතුගොඩ සහ බොරැල්ල පදිංචිකරුවෝය.
(බිමල් ශ්‍යාමන් ජයසිංහ)
0 Comments