කොළඹ හතේ ක්‍රීඩා සමාජ ශාලාවක බීමතින් කලහකාරීව හැසිරුණු හිටපු අමාත්‍ය හරීන් ප්‍රනාන්දු මහතා හූ හඬ මධ්‍යයේ එම ස්ථානයෙන් ඉවත්ව ගොස් තිබේ. මෙම සිදුවීම වී ඇත්තේ පසුගිය සති අන්තයේ දිනයකදීය.
හිටපු අමාත්‍යවරයා අසභ්‍ය වචන කියමින් කෑකෝ ගසමින් කළ ගාලගෝට්ටිය සමාජ ශාලාවේ සිටි බොහෝ පිරිසක් පිළිකුලෙන් යුතුව හෙළා දැක ඇත. හිටපු අමාත්‍යවරයා පාලනය කිරීමට ඔහුගේ හිතවතුන් ඇතුළු පිරිසක් බොහෝ වේලාවක් තිස්සේ උත්සාහයකද නිරතව තිබේ.
මේ සියල්ල එහි සිටි පුද්ගලයකු විසින් සිය ජංගම දුරකතනයේ පටිගත කර අන්තර්ජාලයටද මුදාහැර තිබුණි.
එම වීඩියෝ දර්ශනවලට අනුව පෙනී යන්නේ සමාජ ශාලාවේ ආරක්ෂකයන් බව පෙනී යන පිරිසක් සමඟ තවත් පිරිසක් හිටපු අමාත්‍යවරයාව දැඩි පරිශ්‍රමයක් දරා එම ස්ථානයෙන් ඉවතට රැගෙන යන අයුරුය. එම අවස්ථාවේ දී සමාජ ශාලාවේ සිටි පිරිසක් “හූ” තබන හඬද එහි ඇසේ. මෙම සිදුවීම සම්බන්ධයෙන් හිටපු අමාත්‍ය හරීන් ප්‍රනාන්දු මහතාගෙන් තොරතුරු දැන ගැනීමටත් ඔහුගේ පාර්ශ්වයෙන් මෙම සිදුවීම සම්බන්ධයෙන් ඔහුගෙන් තවම ප්‍රතිචාරයක් නොවීය.
මේ සම්බන්ධයෙන් කුරුඳුවත්ත පොලිස් ස්ථානයෙන් කළ විමසුමකදී උසස් නිලධාරියෙක් සඳහන් කරනු ලැබුවේ එවැනි සිදුවීමක් සම්බන්ධයෙන් වීඩියෝ දර්ශනයක් තමන්ද දුටු බවය. අදාළ ක්‍රීඩා සමාජ ශාලාව තම බලප්‍රදේශයේ පිහිටා ඇතත් මෙතෙක් ඒ සම්බන්ධයෙන් පැමිණිල්ලක් ක්‍රීඩා සමාජ ශාලාවේ සේවකයන් හෝ කළමනාකරුවන්ගෙන් හෝ එම අවස්ථාවේ එම සමාජ ශාලාවේ රැඳී සිටි කිසිවකුගෙන්වත් ලැබී නැති බවය. Video Below
){kind=link}
0 Comments