දැනට භාවිත කරන දුම්රිය ප්‍රවේශපත්‍ර වෙනුවට පෙරගෙවුම් කාඩ්පතක් හඳුන්වාදීමට දුම්රිය දෙපාර්තමේන්තුව පියවර ගන්නා බව දුම්රිය දෙපාර්තමේන්තුවේ ගමනාගමන නියෝජ්‍ය සාමාන්‍යාධිකාරි එන්.ජේ. ඉදිපොලගේ මහතා පැවැසීය.
නියමු ව්‍යාපෘතියක් හැටියට පසුගිය සැප්තැම්බර් සිට පෙරගෙවුම් ප්‍රවේශ පත්‍ර ක්‍රියාත්මක වන බවත් ලබන අප්‍රේල් සිට මුළුමනින්ම ක්‍රියාත්මක කිරීමට අපේක්ෂා කරන බවත් ඔහු පැවැසීය.මගීන් 1,000ක් 1,500ක් පමණ සංඛ්‍යාවක් දැනට පෙරගෙවුම් ප්‍රවේශ පත්‍ර භාවිත කරන්නේ යැයිද චස්ගකන වෙබ් අඩවිය මඟින් ප්‍රවේශපත් ලබාගත හැකි යැයි ද ඔහු කීය.
පෙරගෙවුම් ප්‍රවේශ පත්‍ර ප්‍රවර්ධනය හරහා දුම්රිය පොළවලදී වාර ප්‍රවේශපත් ලබාදීම ඉදිරි වසර හතර ඇතුළත අහෝසි කිමට අපේක්ෂා කරන බවද ඉදිපොලගේ මහතා පැවැසීය. ඉදිරියේදී මේ සඳහා ඇප් එකක් හඳුන්වා දීමට නියමිත යැයිද ඔහු වැඩිදුරටත් පැවැසීය.
(අනුර බාලසූරිය)
0 Comments