අද ජනවාරි 07 වන දින අලුයම ගල්කිස්ස වටරප්පල පාරේදී සිදුවූ වෙඩිතැබීමකින් පුද්ගලයින් දෙදෙනෙකු ජීවිතක්ෂයට පත්විය. මියගිය පුද්ගලයින් දෙදෙනා වන්නේ එම ප්‍රදේශයේ පදිංචිව සිටි 36 හැවිරිදි සුදත් ගෝමස් සහ 20 හැවිරිදි චානුක විමුක්ති පීරිස් යන අයයි.
පොලිස් වාර්තා අනුව, අලුයම 4:45ට පමණ යතුරුපැදියකින් පැමිණි නාඳුනන පුද්ගලයින් දෙදෙනෙකු විසින් ඔවුන්ගේ නිවසට වෙඩි තබා ඇත. සුදත් ගෝමස් සිද්ධිස්ථානයේදීම මරණයට පත්වූ අතර, චානුක විමුක්ති පීරිස් කළුබෝවිල රෝහලට ඇතුළත් කිරීමෙන් අනතුරුව මියගොස් තිබේ.
මෙම වෙඩිතැබීමට හේතුව තවමත් හෙළිවී නොමැති අතර, ගල්කිස්ස පොලීසිය මෙම සිද්ධිය සම්බන්ධයෙන් විමර්ශන කටයුතු සිදුකරමින් සිටී.
0 Comments