කළුබෝවිල බුද්ධඝෝෂ විද්‍යාලය අසල වාහන අමතර කොටස් අලෙවිසැලක් ආසන්නයේ අද (16) දහවල් වෙඩි තැබීමක් සිදු වූ බව පොලීසිය වාර්තා කරයි. සිද්ධියෙන් කිසිදු පුද්ගලයෙකු තුවාල ලබා නොමැති බව කොහුවල පොලීසිය සඳහන් කරයි.
සැකකරුවන් නිල් පැහැති යතුරුපැදියක පැමිණ වෙඩි තබා පලා ගොස් ඇති බව
විමර්ශන වලදී අනාවරණයවී තිබේ.
කොහුවල පොලිස් වසමේ කළුබෝවිල ප්‍රදේශයේ සිදු වූ මෙම සිද්ධිය සම්බන්ධයෙන් වැඩිදුර විමර්ශන සිදු කරමින් පවතින බව පොලිස් නිලධාරියෙක් පැවසීය.
මෙම ප්‍රහාරයේ ඉලක්කය වූ අය කවුරුදැයි පොලිසිය හෙළි කර නැත.
කොහුවල සිද්ධියෙන් කිසිවෙකුටත් හානි සිදු නොවීම වාසනාවක් බව ප්‍රදේශවාසීහු පවසති. කෙසේ වෙතත්, මෙවැනි සිදුවීම් නිසා ප්‍රදේශයේ ආරක්ෂාව පිළිබඳව කනස්සල්ල පළ කරන ඔවුන්, ආරක්ෂක අංශවල අවධානය යොමු කරන ලෙස ඉල්ලා සිටිති.
සිද්ධිය සම්බන්ධයෙන් මහජන සහය අපේක්ෂා කරන පොලීසිය, ඕනෑම තොරතුරක් 119 හෝ අදාළ පොලිස් ස්ථාන වෙත වහාම දැනුම් දෙන ලෙස ඉල්ලා සිටී.
0 Comments