සංචාරක වීසා මත පැමිණ ව්‍යාපාරික කටයුතුවල නිරත වන විදේශිකයන් නැවැත්වීමට යාන්ත්‍රණයක් සකස් කරන බව අග්‍රාමාත්‍ය හරිනි අමරසූරිය මහත්මිය අද පැවසුවාය.
සංචාරක වීසා මත පැමිණෙන විදේශිකයන් ව්‍යාපාරික කටයුතුවල නිරත වන බව වාර්තා වන බවත්, රජය එය ගැටලුවක් ලෙස හඳුනාගෙන ඇති බවත් අගමැතිනිය පාර්ලිමේන්තුවට පැවසුවාය.
"ඒ සම්බන්ධයෙන් ගත යුතු පියවර පිළිබඳව අපි සාකච්ඡා කරමින් සිටින අතර, එවැනි නීති විරෝධී ක්‍රියා නැවැත්වීමට යාන්ත්‍රණයක් සකස් කිරීමේ ක්‍රියාවලියක නිරත වෙමින් සිටිනවා," ඇය පැවසුවාය.
ශ්‍රී ලංකාවේ ව්‍යාපාරික කටයුතුවල නිරත වන ඊශ්‍රායල් ජාතිකයන් පිළිබඳව සමගි ජන බලවේගයේ පාර්ලිමේන්තු මන්ත්‍රී මුජිබුර් රහුමාන් මහතා විමසූ ප්‍රශ්නයකට පිළිතුරු දෙමින් අගමැතිනිය මෙසේ පැවසුවාය.
0 Comments