ශ්‍රී ලංකාවේ 2025 ටෙස්ට් කාලසටහනට ඇත්තේ ටෙස්ට් තරග හතරක් පමණක්වීම අසාධාරණ බව කියමින් ඇන්ජලෝ මැතිව්ස් ට්විටර් පණිවුඩයක් නිකුත් කර ICC ටැග් කරමින් ප්‍රශ්න කර තිබේ.
සුපිරි තුන් ඉරියව් ක්‍රීඩක ඇන්ජලෝ මැතිව්ස් තම කණ්ඩායමට ටෙස්ට් ක්‍රිකට් තරඟවලදී අඩු තරඟ සංඛ්‍යාවක් තිබීම සම්බන්ධයෙන් සිය විරෝධය පළ කර තිබේ. ජාත්‍යන්තර ක්‍රිකට් තරඟ කාලසටහන සම්බන්ධයෙන් පවතින විෂමතාවය ඉවත් කිරීමට කඩිනමින් පියවර ගන්නා ලෙස ඔහු ICC යෙන් ඉල්ලා තිබේ. ශ්‍රී ලංකාව 2024 වසරේ මුළු ටෙස්ට් තරග 10කට ක්‍රීඩා කර ඇති අතර, මේ වසරේ 2025 වසරේදී ක්‍රීඩා කිරීමට අවස්ථාව ලැබෙන්නේ ටෙස්ට් තරග 4කට පමණයි.
2026 දී 6 ක් පමණි. මෙය අනෙකුත් කණ්ඩායම් වලට වඩා බෙහෙවින් අඩුය. මෙම කාලසටහන සම්බන්ධයෙන් සිය අප්‍රසාදය පළ කරමින් ඔහු සමාජ මාධ්‍ය ජාලා ඔස්සේ සටහනක් තබා ඇත.
මැතිව්ස් පැවසුවේ “මෙතරම් ටෙස්ට් තරඟ ක්‍රීඩා නොකිරීම ගැන දැඩි බලාපොරොත්තු සුන් වෙනවා. ඇත්තටම කලකිරීමක්. ක්‍රිකට් යනු රිද්මයක් . දිගු විවේකයක් ක්‍රීඩකයන්ගේ වෘත්තීය ජීවිතයට බලපානවා. එය සෑම දෙයක්ම කඩාකප්පල් කරයි. ICC සහ SLC මේ පිළිබඳව සොයා බලා වඩාත් සාධාරණ කාලසටහනක් නිර්මාණය කරනු ඇතැයි මම බලාපොරොත්තු වෙමි." ලෙසයි.
ශ්‍රී ලංකාවේ ටෙස්ට් තරග කාලසටහන ඇත්තෙන්ම වෙනස් චිත්‍රයක් ඉදිරිපත් කරයි. 2025 දී ඔවුන් ජනවාරි මාසයේදී ඕස්ට්‍රේලියාවට එරෙහිව ටෙස්ට් දෙකකින් සමන්විත තරඟාවලියකින් ආරම්භ වේ.
ඔස්ට්‍රේලියාව දැනටමත් ලෝක ටෙස්ට් ශූරතාවලියේ (WTC) අවසන් මහා තරගයට සුදුසුකම් ලබා ඇතත්, ශ්‍රී ලංකාව 2-0ක් ලෙස ජයග්‍රහණය කළහොත් තත්ත්වය වෙනස් විය හැකිය. මෙයින් පසුව ඔවුන් ලබන ජුනි මාසයේදී බංග්ලාදේශයට එරෙහිව මීළඟ තරගාවලියට ක්‍රීඩා කිරීමට නියමිතය. ඒ කියන්නේ වසරකට තරග හතරක් පමණයි. ලබන වසරේ 2026 දී ශ්‍රී ලංකාව ක්‍රීඩා කරන්නේ ටෙස්ට් තරග හයකට පමණයි. බටහිර ඉන්දීය කොදෙව්, ඉන්දියාව සහ පකිස්ථානයට එරෙහිව දෙක බැගින්. 2024 වසරේ ශ්‍රී ලංකාව ටෙස්ට් තරග 10කට ක්‍රීඩා කර ඇත. එහි දී එකක් ඇෆ්ගනිස්ථානයට එරෙහිව, දෙකක් බංග්ලාදේශයට එරෙහිව, තුනක් එංගලන්තයට එරෙහිව, දෙකක් නවසීලන්තයට එරෙහිව සහ ඩී. අප්‍රිකාවට එරෙහිව ටෙස්ට් තරග දෙකක් ඇතුළත් විය.
අභියෝග මධ්‍යයේ වුවද ශ්‍රී ලංකාවට WTC අවසන් මහා තරගයට පැමිණීමේ අවස්ථාව පිළිබඳව මැතිව්ස් සිටින්නේ සුබවාදීවය.
ඔස්ට්‍රේලියාවට එරෙහිව අපේ උපරිමය ලබා දීමට අපි සම්පූර්ණයෙන්ම සූදානම් බව ඔහු පැවසීය. ඔස්ට්‍රේලියාවට එරෙහිව පැවැත්වෙන ටෙස්ට් තරග දෙකේදී ශ්‍රී ලංකාව 2-0ක් ලෙස ජයග්‍රහණය කළහොත් පළමු වරට WTC අවසන් මහා තරගයට පිවිසිය හැකිය. කෙසේ වෙතත්, ටෙස්ට් ක්‍රිකට් ක්‍රීඩාවේ මෙවැනිම ගැටලුවලට මුහුණ දීම සඳහා නව ආකාරයේ සැලැස්මක් ක්‍රියාත්මක කිරීමට ICC උත්සාහ කරයි. මේ සඳහා ICC සභාපති ජේ ෂා නව සූත්‍රය සකස් කිරීම සඳහා ලබන මාසයේදී එංගලන්ත සහ ඕස්ට්‍රේලියානු ක්‍රිකට් පාලක මණ්ඩලය හමුවීමට නියමිතය.
0 Comments