මැදිරිගිරිය ප්‍රසංගයේ කලහකාරී හැසිරීම: සැකකරුවන් 06 දෙනෙකු අත්අඩංගුවට

මැදිරිගිරිය, දිවුලන්කඩවල ප්‍රදේශයේ පසුගියදා පැවති සංගීත සංදර්ශනයකදී කලහකාරී ලෙස හැසිරුණු පුද්ගලයින් 06 දෙනෙකු පොලීසිය විසින් අත්අඩංගුවට ගෙන ඇති බව වාර්තා වෙයි. අදාළ සිද්ධියට සම්බන්ධ වීඩියෝ දර්ශන පරීක්ෂා කිරීමෙන් අනතුරුව මෙම අත්අඩංගුවට ගැනීම් සිදුකර ඇති අතර, දැනට සැකකරුවන්ගෙන් ප්‍රශ්න කිරීම් සිදු කරමින් පවතින බව පොලිසිය ප්‍රකාශ කරයි.

පෙරදැනුම් දුන් පරිදි නියමිත ගායන ශිල්පීන් ඉදිරිපත් නොවීම හේතුවෙන් පසුගිය 14 වැනිදා රාත්‍රියේ පැවති මෙම සංගීත ප්‍රසංගයේදී නොසන්සුන්තාවයක් ඇතිවී තිබේ. පොලිසිය විසින් සිදුකරන ලද මූලික විමර්ශනවලින් අනාවරණය වී ඇත්තේ සංවිධායකයින් විසින් ගායකයින් සඳහා ගෙවනු ලබන මුදල් සම්බන්ධ ගැටළුවක් මූලික කරගනිමින් මෙම ගැටුම් සහගත තත්ත්වය උද්ගත වූ බවයි.  දිවුලන්කඩවල ජනාධිපති විද්‍යාල ක්‍රීඩාංගණයේ පැවති සංගීත සංදර්ශනයක් අතරතුර මෙම කළහකාරී තත්ත්වය හටගෙන ඇති අතර ඊට සහභාගී වන බවට ප්‍රකාශ වී තිබු ගායකයින් දෙපළක් සංගීත සංදර්ශනය සඳහා සහභාගී නොවීම හේතුවෙන් මෙම කළහකාරී තත්ත්වය හට ගැනිණි.

ප්‍රකට ගායක ගායිකාවන් පිරිසකගේ සහභාගීත්වයෙන් එම සංගීත සංදර්ශනය පැවැත්වෙන බවට සංවිධායකයින් විසින් ප්‍රචාරක කටයුතු සිදුකර තිබී ඇති අතර ඒ සඳහා රුපියල් 1,000 සහ 2,500 ලෙස ප්‍රවේශ පත්‍ර අලෙවි කිරීමට ද පියවර ගෙන තිබුණි.



දිවුලන්කඩවල සංගීත ප්‍රසංගයේ අලුයම 1.20 ට පමණ සහභාගි වීමට නියමිතව සිටි ගායකයින් කිහිපදෙනෙකු එම අවස්ථාවට සහභාගි නොවන බව පවසමින් ප්‍රසංගය අලුයම 1.30 ට අවසන් කරන බව නිවේදනය කිරීමත් සමඟ එය නැරඹීමට පැමිණි සිටි පිරිසක් පිළිගත නොහැකිව වේදිකාවේ තිබූ සංගීත භාණ්ඩවලට ගල්මුල්වලින් ප්‍රහාර එල්ල කර වේදිකාව ඉදිරියේ තිබූ පුටු විශාල ප්‍රමාණයක් කඩා විනාශ කර ඇත.
ප්‍රසංගයේදී රසිකයින්ගේ ආවේගශීලී හැසිරීම් හේතුවෙන් දැඩි කලබලකාරී තත්ත්වයක් නිර්මාණය වී තිබේ. ප්‍රේක්ෂකයින්ගේ ප්‍රකෝපකාරී හැසිරීම හමුවේ ප්‍රසංගයේ ශබ්ද විකාශන යන්ත්‍ර, සංගීත භාණ්ඩ හා පුටු ආදියට දැඩි අලාභ හානි සිදු වී ඇති අතර, ඊට සහභාගි වූ සංගීත කණ්ඩායමේ භාණ්ඩ සහ අනෙකුත් උපකරණ රසිකයින් විසින් කඩා කුඩු කර විනාශ කර තිබේ.
සංගීත ප්‍රසංග සංවිධායකයින් විසින් ප්‍රකාශ කර ඇත්තේ මෙම පිරිස සංගීත භාණ්ඩවලට මෙන්ම පුටු සහ අනෙකුත් උපකරණවලට පහර දීමෙන් සිදු වූ මුළු පාඩුව රුපියල් කෝටි හතරක් පමණ වන බවයි. කෙසේ වෙතත්, මැදිරිගිරිය පොලිසිය සඳහන් කර ඇත්තේ දැනට සිදු වූ පාඩුව සම්බන්ධයෙන් නිල තක්සේරුවක් සිදු කර නොමැති බවයි.

මෙම සංගීත ප්‍රසංගයට සහභාගි වූ Avatar සංගීත කණ්ඩායමේ වාදන ශිල්පී සහන් රුක්ෂාන් බෙන්ජමින් මෙම සිද්ධිය සම්බන්ධයෙන් තම කනගාටුව ප්‍රකාශ කරමින් සමාජ මාධ්‍ය වෙත නිවේදනයක් නිකුත් කර තිබේ.

"මෙහෙම කෙරුවට වඩා හොඳයි මචං මාව හොයන් ඇවිල්ලා ගැහුවනම්! නිදිමාරෙගෙන දාඩිය දාගෙන ඔබලාට ආතල් එකක් සතුටක් දෙනවටද මෙහෙම කරේ? මේක ඔබලාට නිකන් දකින දෙයක් උනාට මේක මට මගෙ ජීවිතෙ කොටසක්..." යනුවෙන් ඔහු සිය හැඟීම් ප්‍රකාශ කර ඇත.

තවදුරටත් ඔහු සඳහන් කර ඇත්තේ, "සංවිධායක මණ්ඩලයේ වැරැද්දට අපි පලි නෑ මචං, පට්ටම දුකයි මෙහෙම කරන්න එපා තව මිනිහෙක් හම්බ කරන් කන කිසිම දේකට..." යනුවෙනි.


සංගීත ශිල්පියා විශේෂයෙන් සඳහන් කර ඇත්තේ සංගීත ශිල්පීන් ප්‍රසංගයක් සඳහා කරන කැපකිරීම් පිළිබඳවයි. "බෑන්ඩ් එකක කොල්ලෝ රෑ 9-10 ට ශෝ එක පටන් අරගෙන එලිවෙන 1-2 වෙනකල් පැය 4-5 ක් ඔබලාට සින්දු කියනවා, ප්ලේ කරනවා. ඒ ටික වෙලාවට හැමෝම ආතල් එකක් ගන්නවා. ඔය ස්ටේජ් එක උඩට නගින්න ඔවුන් රාත්‍රී දහස් ගානක් කැපකිරීම් කරලා එන්නේ. අත් වල දිය පට්ට දානකල් ප්‍රැක්ටිස් කරලා එන්නේ," යනුවෙන් ද ඔහු පෙන්වා දී තිබේ.

මෙම සිද්ධිය සම්බන්ධයෙන් සංගීත කණ්ඩායමේ සාමාජිකයින් කිහිපදෙනෙකු සහ ප්‍රසංගයේ සංවිධායකයින් විසින් මැදිරිගිරිය පොලිසිය වෙත පැමිණිලි ඉදිරිපත් කර ඇත. එම පැමිණිල්ලට අනුව සැකපිට පුද්ගලයින් හයදෙනෙකු අත්අඩංගුවට ගෙන අධිකරණ ක්‍රියාමාර්ග ගැනීමට කටයුතු කරමින් සිටින බව මැදිරිගිරිය පොලිසියේ නිලධාරියෙකු ප්‍රකාශ කර සිටියේය.

හබරණ ප්‍රදේශය භාර සහකාර පොලිස් අධිකාරී සුදත් අස්මඩල මහතා ද සඳහන් කර ඇත්තේ මේ වන විටත් සිද්ධිය සම්බන්ධයෙන් විමර්ශන කටයුතු සිදු කරමින් පවතින බවයි. එමෙන්ම, සැකපිට පුද්ගලයින් හයදෙනෙකු අත්අඩංගුවට ගත් නමුත්, නිශ්චිත වශයෙන් මෙම සිද්ධියට ඔවුන් සම්බන්ධද නැද්ද යන්න තවදුරටත් විමර්ශන කටයුතු මගින් තහවුරු කරගැනීමට කටයුතු කරමින් සිටින බව ඔහු ප්‍රකාශ කරයි.

අත්අඩංගුවට ගත් සැකකරුවන් මැදිරිගිරිය, දිවුලන්කඩවල, මීගස්වැව ඇතුළු අවට ප්‍රදේශවල පදිංචි අවුරුදු විසිපහත්, තිහත් අතර වයස්වල පසුවන්නන් බව පොලිසිය තවදුරටත් සඳහන් කරයි.

ප්‍රසංගයේදී සිදු වූ හදිසි නොසන්සුන්තාවය හේතුවෙන් සංගීත කණ්ඩායමේ සංගීත භාණ්ඩ, ශබ්ද විකාශන උපකරණ, වේදිකා උපකරණ ඇතුළු බොහෝ දෑ දැඩි ලෙස හානියට පත්ව ඇත. සංගීත ශිල්පීන් සඳහන් කරන පරිදි,
ඔවුන් තම උපකරණ ඉතා ඇල්මෙන් හා ආදරයෙන් රැකබලා ගන්නා අතර, මෙවැනි ප්‍රහාරයක් ඔවුන්ගේ හදවත් තුළට දැඩි වේදනාවක් ගෙන දුන් බව පැහැදිලි වේ.

"උන් දෙවියන්ට වගේ ගරු කරපු උපකරණ ටික පොළොවේ ගහද්දී අහිංසක ඔවුන්ට මොන වේදනාවක් දැනෙන්න ඇතිද? මේවා මාර පව් වැඩ," යනුවෙන් ප්‍රකාශිත කනගාටුදායක හැඟීම් සංගීත ශිල්පියාගේ ප්‍රකාශයේ සඳහන් වී තිබේ.


ප්‍රසංගයේ සංවිධායකයින් සඳහන් කරන ආකාරයට, මෙම සිද්ධිය මගින් සංගීත භාණ්ඩ, පුටු, ශබ්ද විකාශන උපකරණ ඇතුළු බොහෝ දෑට සිදු වූ හානිය රුපියල් කෝටි හතරක් (මිලියන 40ක) පමණ වන බව අනාවරණය වී ඇත. කෙසේ වෙතත්, මැදිරිගිරිය පොලිසිය පවසන්නේ හානිය සම්බන්ධයෙන් නිල තක්සේරුවක් තවමත් සිදු කර නොමැති බවයි.

ප්‍රසංගයේ සිද්ධිය සම්බන්ධයෙන් වැඩිදුර පරීක්ෂණ කටයුතු සිදු කිරීම සඳහා ප්‍රසංගයේ වීඩියෝ දර්ශන, පුද්ගල සාක්ෂි ඇතුළු තොරතුරු එක්රැස් කිරීමට පොලිසිය කටයුතු කර ඇත.

සංගීත ශිල්පියා තම ප්‍රකාශයේ වැඩිදුරටත් සඳහන් කරන්නේ, "මීට පස්සේ වත් යාළුවනේ, ටිකට් එකක් අරන් ශෝ එකක් බලන්න යද්දී ටිකක් මානුෂික වෙන්න. එක්කෙනෙක් වරදක් කරන්න හදනකොට අනිත් සෙට් එකත් රැල්ලට පොඩි කරන්න නොගිහින් සිද්ධ වෙන දේ ගැන කල්පනා කරලා වැඩ කරන්න" යනුවෙනි.

ඔහු තවදුරටත් නිරීක්ෂණය කරන්නේ, "දැන් හෙට අනිද්දා වෙද්දි සවුන්ඩ්ස් කුඩු කළ උන් හිරේ යයි. ඊට පස්සේ නඩු යයි. වන්දි ගෙවන්න වෙයි. නිකන් බොරුවට මේ අනවශ්‍ය ප්‍රශ්න ඇති කරගන්නේ මන්දැයි" යන්නයි.

මෙම සිද්ධිය ශ්‍රී ලංකාවේ සංගීත කර්මාන්තය තුළ සංගීත ශිල්පීන් මුහුණ දෙන අභියෝග, ප්‍රසංග සංවිධානය කිරීමේදී මතුවන ගැටලු මෙන්ම රසිකයින්ගේ හැසිරීම පිළිබඳව ද අවධානය යොමු කරන සිද්ධියක් බවට පත්ව ඇත.

මැදිරිගිරිය දිවුලන්කඩවල සංගීත ප්‍රසංගයේ සිදු වූ නොසන්සුන්තාවය සම්බන්ධයෙන් අත්අඩංගුවට ගත් පුද්ගලයින් හයදෙනා පිළිබඳව වැඩිදුර විමර්ශන කටයුතු සිදු කරමින් පවතින අතර, අවශ්‍ය නීතිමය ක්‍රියාමාර්ග ගැනීමට මැදිරිගිරිය පොලිසිය කටයුතු කරමින් සිටින බව අවසාන වාර්තා සඳහන් කරයි.